Aýyl sharýashylyǵy salasyndaǵy osy jáne ózge de ózekti máselelerdi Túrkistan oblysy ákiminiń orynbasary Ermek Kenjehanulynyń Jetisai aýdany Jańa aýyl, Jyly sý aýyldyq okrýgterinde ótken kezdesýlerde aityldy.
Jetisai aýdanynyń ákimi Serik Mamytov pen aýdan prokýrorynyń orynbasary Yrysbek Ernazarov, aýdandyq politsiia bólimi basshysynyń orynbasary Saken Jailybaev pen oblystyq, aýdandyq máslihat depýtattary qatysqan jiynda sharýalar talap-tilekterin ortaǵa salyp, memlekettik sýbsidiia men jeńildetilgen nesie berý, maqta ósirip, ony tereń óńdeýge memleket tarapynan qoldaý kórsetý, aýyl sharýashylyǵyn salasyn damytýǵa naqty qadamdar jasaý máselelerin ortaǵa saldy.
– Túrkistan oblysy maqta ósiretin jalǵyz óńir bolǵandyqtan maqta klasterin damytýǵa kúsh salynyp otyr. Bul tusta Úkimet tarapynan da, oblys ákimdigi tarapynan da barynsha qoldaý kórsetilýde.
Jergilikti atqarýshy bilik organdary úshin bul baǵytty barynsha damytý, halyqaralyq naryqqa shyǵý mańyzdy.
Bizdiń óńirimizde óndiristi damytýdaǵy múmkindikterdi paidalana otyryp, óńirlik baǵdarlamalardy qabyldaý, osy baǵyttaǵy jumystarǵa kúsh salý, jeńil ónerkásipti arttyrý arqyly jańa jumys oryndarynyń kóptep ashylýyna múmkindik berý úlken mańyzǵa ie, – dedi Ermek Kenjehanuly.
Sondai-aq, kezdesýlerde jylyna 300 myń tonnadan astam maqta óndiretin óńirde toqyma jáne tigin ónerkásibi durys damymaǵandyqtan maqta talshyǵynyń baǵasy halyqaralyq Liverpýl maqta birja indeksine tikelei táýeldi ekendigi, maqta klasterin damytý úshin Jetisai, Maqtaaral, Shardara aýdandarynda toqyma tigin fabrikalaryn ashý kerektigi aityldy.
Aitylǵan usynystarǵa bailanysty maqtany satyp alýshy treider kompaniialardyń byltyrǵy maqtany áli de tolyqtai sata almaǵandyǵy jaily túsindirme jumystaryn júrgizgen jumysshy top ókilderi zańdylyqtaryn túsindirdi.
Sharýalar tarapynan maqta klasterin damytý, ónim sapasyn arttyrý boiynsha suraqtar qoiylyp, jaýaptar berildi, kóterilgen máseleler talqylanyp, sheshý joldary qarastyryldy.
