اۋىل شارۋاشىلىعى سالاسىنداعى وسى جانە وزگە دە وزەكتى ماسەلەلەردى تۇركىستان وبلىسى اكىمىنىڭ ورىنباسارى ەرمەك كەنجەحان ۇلىنىڭ جەتىساي اۋدانى جاڭا اۋىل، جىلى سۋ اۋىلدىق وكرۋگتەرىندە وتكەن كەزدەسۋلەردە ايتىلدى.
جەتىساي اۋدانىنىڭ اكىمى سەرىك مامىتوۆ پەن اۋدان پروكۋرورىنىڭ ورىنباسارى ىرىسبەك ەرنازاروۆ، اۋداندىق پوليسيا ءبولىمى باسشىسىنىڭ ورىنباسارى ساكەن جايلىبايەۆ پەن وبلىستىق، اۋداندىق ءماسليحات دەپۋتاتتارى قاتىسقان جيىندا شارۋالار تالاپ-تىلەكتەرىن ورتاعا سالىپ، مەملەكەتتىك سۋبسيديا مەن جەڭىلدەتىلگەن نەسيە بەرۋ، ماقتا ءوسىرىپ، ونى تەرەڭ وڭدەۋگە مەملەكەت تاراپىنان قولداۋ كورسەتۋ، اۋىل شارۋاشىلىعىن سالاسىن دامىتۋعا ناقتى قادامدار جاساۋ ماسەلەلەرىن ورتاعا سالدى.
– تۇركىستان وبلىسى ماقتا وسىرەتىن جالعىز ءوڭىر بولعاندىقتان ماقتا كلاستەرىن دامىتۋعا كۇش سالىنىپ وتىر. بۇل تۇستا ۇكىمەت تاراپىنان دا، وبلىس اكىمدىگى تاراپىنان دا بارىنشا قولداۋ كورسەتىلۋدە.
جەرگىلىكتى اتقارۋشى بيلىك ورگاندارى ءۇشىن بۇل باعىتتى بارىنشا دامىتۋ، حالىقارالىق نارىققا شىعۋ ماڭىزدى.
ءبىزدىڭ وڭىرىمىزدە ءوندىرىستى دامىتۋداعى مۇمكىندىكتەردى پايدالانا وتىرىپ، وڭىرلىك باعدارلامالاردى قابىلداۋ، وسى باعىتتاعى جۇمىستارعا كۇش سالۋ، جەڭىل ونەركاسىپتى ارتتىرۋ ارقىلى جاڭا جۇمىس ورىندارىنىڭ كوپتەپ اشىلۋىنا مۇمكىندىك بەرۋ ۇلكەن ماڭىزعا يە، – دەدى ەرمەك كەنجەحان ۇلى.
سونداي-اق، كەزدەسۋلەردە جىلىنا 300 مىڭ توننادان استام ماقتا وندىرەتىن وڭىردە توقىما جانە تىگىن ونەركاسىبى دۇرىس دامىماعاندىقتان ماقتا تالشىعىنىڭ باعاسى حالىقارالىق ليۆەرپۋل ماقتا بيرجا يندەكسىنە تىكەلەي تاۋەلدى ەكەندىگى، ماقتا كلاستەرىن دامىتۋ ءۇشىن جەتىساي، ماقتاارال، شاردارا اۋداندارىندا توقىما تىگىن فابريكالارىن اشۋ كەرەكتىگى ايتىلدى.
ايتىلعان ۇسىنىستارعا بايلانىستى ماقتانى ساتىپ الۋشى ترەيدەر كومپانيالاردىڭ بىلتىرعى ماقتانى ءالى دە تولىقتاي ساتا الماعاندىعى جايلى تۇسىندىرمە جۇمىستارىن جۇرگىزگەن جۇمىسشى توپ وكىلدەرى زاڭدىلىقتارىن ءتۇسىندىردى.
شارۋالار تاراپىنان ماقتا كلاستەرىن دامىتۋ، ءونىم ساپاسىن ارتتىرۋ بويىنشا سۇراقتار قويىلىپ، جاۋاپتار بەرىلدى، كوتەرىلگەن ماسەلەلەر تالقىلانىپ، شەشۋ جولدارى قاراستىرىلدى.
