2018-2020 jyldary aralyǵynda jaqsy jáne qanaǵatty jaǵdaidaǵy oblystyq jáne aýdandyq mańyzy bar avtomobil joldarynyń úlesi 64,4%-dan 79%-ǵa deiin artyp, aǵymdaǵy jyly nysanaly indikator kórsetkishin 87%-ǵa deiin jetkizý kózdelýde.
Túrkistan oblysy aýmaǵynda qazirgi tańda 45 asfalt zaýyty (qýattylyǵy 6020 t/saǵ) jumys isteidi. Aita keteiik, elimiz táýelsizdik alǵan ýaqyttan beri ońtústik óńirlerde asfalt zaýyttary bolmaǵan. 2019 jyly Jetisai, Maqtaaral, Keles aýdandarynda qýattylyǵy saǵatyna 280 tonna asfalt shyǵaratyn 3 zaýyt qurylyp, qazirgi kezde jumystaryn jalǵastyrýda.
Sondai-aq, «Túrkistan indýstrialdy aimaǵynda» qýattylyǵy saǵatyna 520 tonna asfalt shyǵaratyn 5 zaýyt jáne qala aýmaǵynda qýattylyǵy saǵatyna 890 tonna asfalt óndiretin 4 zaýyt jumys istep tur.
Sonymen qatar, jyl saiyn tamyz-qyrkúiek ailarynda oblys aýmaǵynda jol bitýmynyń tapshylyǵy jii oryn alýyna bailanysty, merdiger mekemeler tarapynan 10 jerde bitým saqtaý oryndary uiymdastyrylǵan. Bitým saqtaý oryndary jalpy 10 000 tonnaǵa deiin bitým saqtai alady.
