2018-2020 جىلدارى ارالىعىندا جاقسى جانە قاناعاتتى جاعدايداعى وبلىستىق جانە اۋداندىق ماڭىزى بار اۆتوموبيل جولدارىنىڭ ۇلەسى 64،4%-دان 79%-عا دەيىن ارتىپ، اعىمداعى جىلى نىسانالى ينديكاتور كورسەتكىشىن 87%-عا دەيىن جەتكىزۋ كوزدەلۋدە.
تۇركىستان وبلىسى اۋماعىندا قازىرگى تاڭدا 45 اسفالت زاۋىتى (قۋاتتىلىعى 6020 ت/ساع) جۇمىس ىستەيدى. ايتا كەتەيىك، ەلىمىز تاۋەلسىزدىك العان ۋاقىتتان بەرى وڭتۇستىك وڭىرلەردە اسفالت زاۋىتتارى بولماعان. 2019 جىلى جەتىساي، ماقتاارال، كەلەس اۋداندارىندا قۋاتتىلىعى ساعاتىنا 280 توننا اسفالت شىعاراتىن 3 زاۋىت قۇرىلىپ، قازىرگى كەزدە جۇمىستارىن جالعاستىرۋدا.
سونداي-اق، «تۇركىستان يندۋستريالدى ايماعىندا» قۋاتتىلىعى ساعاتىنا 520 توننا اسفالت شىعاراتىن 5 زاۋىت جانە قالا اۋماعىندا قۋاتتىلىعى ساعاتىنا 890 توننا اسفالت وندىرەتىن 4 زاۋىت جۇمىس ىستەپ تۇر.
سونىمەن قاتار، جىل سايىن تامىز-قىركۇيەك ايلارىندا وبلىس اۋماعىندا جول بيتۋمىنىڭ تاپشىلىعى ءجيى ورىن الۋىنا بايلانىستى، مەردىگەر مەكەمەلەر تاراپىنان 10 جەردە بيتۋم ساقتاۋ ورىندارى ۇيىمداستىرىلعان. بيتۋم ساقتاۋ ورىندارى جالپى 10 000 تونناعا دەيىن بيتۋم ساقتاي الادى.
