Túrkistan oblysy oqýshylary –jeńimpaz!
Jýyrda Qyzylorda qalasynda QR mektep jáne kolledj oqýshylary arasyndaǵy IX jazǵy spartakiadasynyń jabylý saltanaty ótti.
Dúbirli syndy Qazaqstan Respýblikasynyń Bilim jáne ǵylym ministrligi uiymdastyrǵan bolatyn. Tórt aidan astam ýaqytqa sozylǵan synda Túrkistan oblysynyń sportshylary jalpykomandalyq esepte birinshi oryndy jeńip aldy.
Túrkistannyń talantty órenderi 20 altyn, 6 kúmis jáne 6 qola medal enshiledi. Ekinshi oryndy Almaty qalasynyń sportshylary jeńip alsa, úzdik úshtikti Qyzylorda quramasy túiindedi. Jeńimpaz komandaǵa kýbokty Qazaqstan Respýblikasynyń Bilim jáne ǵylym ministrligine qarasty «Ulttyq ǵylymi - praktikalyq dene tárbiesi ortalyǵynyń» direktory Sadyq Mustafaev tapsyryp, jańadan qurylǵan Túrkistan oblysynyń bul jetistigin tarihi jeńis dep baǵalady.
Sportshylardy spartakiadaǵa oblystyq bilim basqarmasyna qarasty ádistemelik ortalyq pen deneshynyqtyrý jáne sport basqarmasy birlesip daiyndady. Bilikti bapkerlerdiń eńbegi esh ketpei, túrkistandyq jastar respýblikada teńdessiz ekenderin dáleldedi. Eki jylda bir keletin spartakiadada top jarǵan sportshylar endi halyqaralyq saiystarǵa daiyndalady.
Túrkistan oblysy ákiminiń baspasóz qyzmeti
