Biyl Túrkistan oblysynda «Mektepke jol» aktsiiasy aiasynda áleýmettik osal otbasynan shyqqan 60 693 balaǵa memlekettik qoldaý kórsetiletin bolady. Óńirdegi ekonomikalyq esepteýler nátijesinde ár balaǵa 43 407 teńgeden úlestiriledi. Bul jaiynda Túrkistan oblysy bilim basqarmasy basshysynyń mindetin atqarýshy Jandos Mahanbetov brifingte málimdedi, dep habarlaidy Dalanews. kz.
«Atalǵan qoldaý - memlekettik ataýly áleýmettik kómek alýǵa quqyǵy bar otbasylardan shyqqan balalarǵa, jan basyna shaqqandaǵy tabysy eń tómen kúnkóris deńgeiiniń shamasynan tómen otbasylardan shyqqan balalarǵa, jetim balalarǵa jáne ata-anasynyń qamqorlyǵynsyz qalǵan balalarǵa, tótenshe jaǵdailardyń saldarynan shuǵyl járdemdi talap etetin otbasylardan shyqqan balalar men bilim berý uiymynyń alqaly basqarý organy aiqyndaityn bilim alýshylar men tárbielenýshilerdiń ózge de sanattaryna beriledi. Joǵaryda atalǵan sanattaǵy otbasynyń balalaryna kiim men oqý-quraldaryn alý úshin bilim berý uiymynyń basshysynyń atyna balanyń ata-analary nemese zańdy ókilderi ótinish berýi tiis.
Keiin ata-ana ne zańdy ókil bilim berý uiymyna satyp alynǵan taýarlardyń ataýy kórsetilgen shyǵystar týraly rastaityn qujatty tapsyrýy kerek» - dedi Jandos Mahanbetov.
