بيىل تۇركىستان وبلىسىندا «مەكتەپكە جول» اكسياسى اياسىندا الەۋمەتتىك وسال وتباسىنان شىققان 60 693 بالاعا مەملەكەتتىك قولداۋ كورسەتىلەتىن بولادى. وڭىردەگى ەكونوميكالىق ەسەپتەۋلەر ناتيجەسىندە ءار بالاعا 43 407 تەڭگەدەن ۇلەستىرىلەدى. بۇل جايىندا تۇركىستان وبلىسى ءبىلىم باسقارماسى باسشىسىنىڭ مىندەتىن اتقارۋشى جاندوس ماحانبەتوۆ بريفينگتە مالىمدەدى، دەپ حابارلايدى Dalanews. kz.
«اتالعان قولداۋ - مەملەكەتتىك اتاۋلى الەۋمەتتىك كومەك الۋعا قۇقىعى بار وتباسىلاردان شىققان بالالارعا، جان باسىنا شاققانداعى تابىسى ەڭ تومەن كۇنكورىس دەڭگەيىنىڭ شاماسىنان تومەن وتباسىلاردان شىققان بالالارعا، جەتىم بالالارعا جانە اتا-اناسىنىڭ قامقورلىعىنسىز قالعان بالالارعا، توتەنشە جاعدايلاردىڭ سالدارىنان شۇعىل جاردەمدى تالاپ ەتەتىن وتباسىلاردان شىققان بالالار مەن ءبىلىم بەرۋ ۇيىمىنىڭ القالى باسقارۋ ورگانى ايقىندايتىن ءبىلىم الۋشىلار مەن تاربيەلەنۋشىلەردىڭ وزگە دە ساناتتارىنا بەرىلەدى. جوعارىدا اتالعان ساناتتاعى وتباسىنىڭ بالالارىنا كيىم مەن وقۋ-قۇرالدارىن الۋ ءۇشىن ءبىلىم بەرۋ ۇيىمىنىڭ باسشىسىنىڭ اتىنا بالانىڭ اتا-انالارى نەمەسە زاڭدى وكىلدەرى ءوتىنىش بەرۋى ءتيىس.
كەيىن اتا-انا نە زاڭدى وكىل ءبىلىم بەرۋ ۇيىمىنا ساتىپ الىنعان تاۋارلاردىڭ اتاۋى كورسەتىلگەن شىعىستار تۋرالى راستايتىن قۇجاتتى تاپسىرۋى كەرەك» - دەدى جاندوس ماحانبەتوۆ.
