Túrkistan oblysy Mańǵystaý jáne ózge de óńirlerge qosymsha 40 vagon jem-shóp jibermek
«Qurǵaqshylyq tek batys óńirlerde ǵana emes, Túrkistan oblysynda da oryn aldy. Atap aitqanda, Keles jáne Saryaǵash aýdandarynyń sharýalary osy máselege tap boldy. Degenmen, búgingi tańda óńirdegi jaǵdai turaqty. Birqatar aýdan qajetti jem-jóp mólsherin 100% jinap úlgerdi», delingen habarlamada.
Túrkistan oblysynyń turǵyndary men eriktileri oblys ákimdiginiń qoldaýymen Mańǵystaý oblysynyń sharýalaryna kómek kórsetti.
Buǵan deiin «Qazaqstan temir joly kompaniiasy qoldaýymen Mańǵystaý oblysyna 23 vagon shóp jóneltti.
Budan bólek, búgin Saryaǵash qalasynyń temirjol stansasynan taǵy 10 vagon mal azyǵy jóneltildi.
«Qazirgi ýaqytta jergilikti eriktiler men agrarshylar Túrkistan oblysy ákimdigi men «Qazaqstan temir joly» ulttyq kompaniiasynyń qoldaýymen Mańǵystaý jáne basqa da oblystarǵa qosymsha 40 vagon jem-shóp jiberý jumystaryn júrgizýde. Kelisimderge sáikes mal azyǵyn jetkizý jumystary tegin júrgizilmek», delingen habarlamada.
Sonymen qatar, oblys ákimdigi jáne «Qazaqstan temir joly» kompaniiasy qajet bolǵan jaǵdaida daiyndalǵan jem-shópti tasymaldaý úshin 100 vagon usynýǵa daiyn.
