«قۇرعاقشىلىق تەك باتىس وڭىرلەردە عانا ەمەس، تۇركىستان وبلىسىندا دا ورىن الدى. اتاپ ايتقاندا، كەلەس جانە سارىاعاش اۋداندارىنىڭ شارۋالارى وسى ماسەلەگە تاپ بولدى. دەگەنمەن، بۇگىنگى تاڭدا وڭىردەگى جاعداي تۇراقتى. ءبىرقاتار اۋدان قاجەتتى جەم-جوپ مولشەرىن 100% جيناپ ۇلگەردى»، دەلىنگەن حابارلامادا.
تۇركىستان وبلىسىنىڭ تۇرعىندارى مەن ەرىكتىلەرى وبلىس اكىمدىگىنىڭ قولداۋىمەن ماڭعىستاۋ وبلىسىنىڭ شارۋالارىنا كومەك كورسەتتى.
بۇعان دەيىن «قازاقستان تەمىر جولى كومپانياسى قولداۋىمەن ماڭعىستاۋ وبلىسىنا 23 ۆاگون ءشوپ جونەلتتى.
بۇدان بولەك، بۇگىن سارىاعاش قالاسىنىڭ تەمىرجول ستانساسىنان تاعى 10 ۆاگون مال ازىعى جونەلتىلدى.
«قازىرگى ۋاقىتتا جەرگىلىكتى ەرىكتىلەر مەن اگرارشىلار تۇركىستان وبلىسى اكىمدىگى مەن «قازاقستان تەمىر جولى» ۇلتتىق كومپانياسىنىڭ قولداۋىمەن ماڭعىستاۋ جانە باسقا دا وبلىستارعا قوسىمشا 40 ۆاگون جەم-شوپ جىبەرۋ جۇمىستارىن جۇرگىزۋدە. كەلىسىمدەرگە سايكەس مال ازىعىن جەتكىزۋ جۇمىستارى تەگىن جۇرگىزىلمەك»، دەلىنگەن حابارلامادا.
سونىمەن قاتار، وبلىس اكىمدىگى جانە «قازاقستان تەمىر جولى» كومپانياسى قاجەت بولعان جاعدايدا دايىندالعان جەم-شوپتى تاسىمالداۋ ءۇشىن 100 ۆاگون ۇسىنۋعا دايىن.
