Memleket basshysynyń tapsyrmalary aiasynda mal sharýashylyǵyn sýbsidiialaý tetigin odan ári jetildirý boiynsha jumystar júrgizildi. Baqylaýshy organdardyń eskertýleri nazarǵa alynyp, sýbsidiialaý qaǵidalarynan sybailas jemqorlyq táýekelderi bar normalar alynyp tastaldy. Sonymen qatar veterinariia júiesin reformalaý jumystary júrgizilýde.
Oblysta etti eksporttaý qarqyndy damýda. Ótken jyldyń qorytyndysymen 15,7 myń tonna iri qara mal eti, 8 myń tonna qoi eti eksporttaldy. Biyl bul kórsetkishter iri qara mal eti boiynsha 5 myń tonnaǵa, qoi eti boiynsha 2,6 myń tonnaǵa jetti.
Jalpy, oblysta mal sharýashylyǵy kórsetkishteri ońdy dinamikany kórsetkenimen, jaiylym jerlerdiń tapshylyǵy oryn alyp otyr.
Jaiylym tapshylyǵyn joiý úshin ortaq jaiylym kólemin biyl 1 mln 15 myń gektarǵa ulǵaitý josparlanǵan. Onyń ishinde, jyl qorytyndysymen 333 myń gektar jer ortaq jaiylymǵa qaitarylady. Qalǵan 682 myń gektardy qaitarýǵa eldi mekenderdegi jaiylym júktemesin tómendetý arqylý qol jetkizý josparlanýda.
Sonymen qatar mal sharýashylyǵyn damytý aiasynda jaiylymdyq jerlerge túsetin júktemeni tómendetý maqsatynda basymdyq mal bordaqylaý alańdary men sút-taýarly fermalaryn ashýǵa berilýde. Bul baǵyttarda biyl birqatar iri investitsiialyq jobalar iske asyrylady.
Atap aitqanda, mal bordaqylaý alańdarynyń sany artady. Biyl 8 mlrd teńgege syiymdylyǵy 37 myń 350 basty quraityn 10 investitsiialyq jobany iske asyrý josparlanýda. Sondai-aq, 13 mlrd teńgege 2 myń 380 basqa arnalǵan sút-taýarly fermalary salynyp, 100-den astam jańa jumys oryndaryn ashý kózdelgen.
Qazirgi memlekettik qoldaý sharalary mal sharýashylyǵy salasynyń investitsiialyq tartymdylyǵyn saqtaýǵa múmkindik berdi. «Aýyl amanaty» baǵdarlamasynyń aiasynda mal bordaqylaý baǵyty boiynsha 695 mln teńgege 157 joba, sút-taýarly fermalary baǵyty boiynsha 788 mln. teńgege 170 joba maquldandy. Bul baǵyttaǵy máseleler turaqty baqylaýda.
