مەملەكەت باسشىسىنىڭ تاپسىرمالارى اياسىندا مال شارۋاشىلىعىن سۋبسيدييالاۋ تەتٸگٸن ودان ەرٸ جەتٸلدٸرۋ بويىنشا جۇمىستار جٷرگٸزٸلدٸ. باقىلاۋشى ورگانداردىڭ ەسكەرتۋلەرٸ نازارعا الىنىپ, سۋبسيدييالاۋ قاعيدالارىنان سىبايلاس جەمقورلىق تەۋەكەلدەرٸ بار نورمالار الىنىپ تاستالدى. سونىمەن قاتار ۆەتەرينارييا جٷيەسٸن رەفورمالاۋ جۇمىستارى جٷرگٸزٸلۋدە.
وبلىستا ەتتٸ ەكسپورتتاۋ قارقىندى دامۋدا. ٶتكەن جىلدىڭ قورىتىندىسىمەن 15,7 مىڭ توننا ٸرٸ قارا مال ەتٸ, 8 مىڭ توننا قوي ەتٸ ەكسپورتتالدى. بيىل بۇل كٶرسەتكٸشتەر ٸرٸ قارا مال ەتٸ بويىنشا 5 مىڭ تونناعا, قوي ەتٸ بويىنشا 2,6 مىڭ تونناعا جەتتٸ.
جالپى, وبلىستا مال شارۋاشىلىعى كٶرسەتكٸشتەرٸ وڭدى ديناميكانى كٶرسەتكەنٸمەن, جايىلىم جەرلەردٸڭ تاپشىلىعى ورىن الىپ وتىر.
جايىلىم تاپشىلىعىن جويۋ ٷشٸن ورتاق جايىلىم كٶلەمٸن بيىل 1 ملن 15 مىڭ گەكتارعا ۇلعايتۋ جوسپارلانعان. ونىڭ ٸشٸندە, جىل قورىتىندىسىمەن 333 مىڭ گەكتار جەر ورتاق جايىلىمعا قايتارىلادى. قالعان 682 مىڭ گەكتاردى قايتارۋعا ەلدٸ مەكەندەردەگٸ جايىلىم جٷكتەمەسٸن تٶمەندەتۋ ارقىلۋ قول جەتكٸزۋ جوسپارلانۋدا.
سونىمەن قاتار مال شارۋاشىلىعىن دامىتۋ اياسىندا جايىلىمدىق جەرلەرگە تٷسەتٸن جٷكتەمەنٸ تٶمەندەتۋ ماقساتىندا باسىمدىق مال بورداقىلاۋ الاڭدارى مەن سٷت-تاۋارلى فەرمالارىن اشۋعا بەرٸلۋدە. بۇل باعىتتاردا بيىل بٸرقاتار ٸرٸ ينۆەستيتسييالىق جوبالار ٸسكە اسىرىلادى.
اتاپ ايتقاندا, مال بورداقىلاۋ الاڭدارىنىڭ سانى ارتادى. بيىل 8 ملرد تەڭگەگە سىيىمدىلىعى 37 مىڭ 350 باستى قۇرايتىن 10 ينۆەستيتسييالىق جوبانى ٸسكە اسىرۋ جوسپارلانۋدا. سونداي-اق, 13 ملرد تەڭگەگە 2 مىڭ 380 باسقا ارنالعان سٷت-تاۋارلى فەرمالارى سالىنىپ, 100-دەن استام جاڭا جۇمىس ورىندارىن اشۋ كٶزدەلگەن.
قازٸرگٸ مەملەكەتتٸك قولداۋ شارالارى مال شارۋاشىلىعى سالاسىنىڭ ينۆەستيتسييالىق تارتىمدىلىعىن ساقتاۋعا مٷمكٸندٸك بەردٸ. «اۋىل اماناتى» باعدارلاماسىنىڭ اياسىندا مال بورداقىلاۋ باعىتى بويىنشا 695 ملن تەڭگەگە 157 جوبا, سٷت-تاۋارلى فەرمالارى باعىتى بويىنشا 788 ملن. تەڭگەگە 170 جوبا ماقۇلداندى. بۇل باعىتتاعى مەسەلەلەر تۇراقتى باقىلاۋدا.
