Túrkistan oblysynyń taýaróndirýshileri 2018 jyldyń maýsym aıynyń 23-24 kúnderi Astana qalasynyń 20 jyldyq merekesine oraı aýyl sharýashylyǵy ónimderiniń jármeńkesin ótkizedi. Sharada 50-den astam kásipker qatysyp, jalpy quny 122,8 mln. teńgeni quraıtyn 286 tonna aýyl sharýashylyǵy ónimderin arzan baǵada saýdalaıdy. Atap aıtqanda, 65 tonna et jáne et ónimderi, 101 tonna kókónis, 18 tonna sút ónimderi, 23 tonna jemis-jıdek, 18 tonna kartop, 20 myń dana jumyrtqa, 6 tonna balyq, 5 tonna balyq, 5 tonna keptirilgen jemis, 4 tonna túrli konserviler, 41 tonna basqa ónimder satylymǵa shyǵarylmaq.



Túrkistan oblysy Astana qalasynyń 20 jyldyq merekesi aıasynda 5 ret jármeńke ótkizbek. Osy aralyqta Túrkistandyq sharýalar Elordaǵa 14 753 tonnany quraıtyn aýyl sharýashylyǵy ónimderiniń 28 túrin jóneltedi. Osy maqsatta oblystan 35 iri jáne qosalqy sharýa qojalyqtary men kásiporyndary iriktelip, daıyndyq jumystary kúsheıtilýde. Aýyl sharýashylyǵy ónimderi tıelgen alǵashqy kerýen Elordaǵa 20 maýsym kúni jolǵa shyqty.

Respýblıkada óndiriletin aýyl sharýashylyǵy salasyndaǵy jalpy óniminiń 12,4 paıyzy Túrkistan oblysyna tıesili. Máselen, elimizde óndirilgen maqtanyń - 100, júzimniń – 72,5, baqshanyń – 60, jemis-jıdektiń – 36, maqsarynyń – 43,4, kókónistiń– 24, júgeriniń – 21, súttiń – 13,5, ettiń – 12,3 paıyzy osy oblystyń úlesinde.



Sondaı-aq, Túrkistan oblysy ozyq tehnologıalar tereń qopsytý boıynsha 110 myń, ıntensıvti baý 2,8 myń, jylyjaı salý 1 325, tamshylatyp sýǵarý ádisin eńgizýde 59,1 myń gektarmen respýblıkada aldyńǵy qatarda.

Ondaǵy mal sharýashylyǵy baǵytynda halyqaralyq standarttarǵa sáıkes iri mal bordaqylaý men zamanýı robattalǵan sút-taýarly fermalar jáne qus fabrıklary iske asyrylýda. Bul oblystyń agrarlyq salasynyń eksporttyq áleýetiniń joǵarǵy ekendigin kórsetedi.

Aıta keteıik, «Qazaqstan Respýblıkasy Agroónerkásiptik keshenin 2017-2021 j.j damytý» memlekettik baǵdarlamasy memlekettik qoldaýlar men qarjylyq quraldary arqyly eldimekenderdegi shaǵyn jáne orta bıznes pen kooperasıalar júıesin damytýǵa erekshe kóńil bólinip keledi. Búgingi kúnniń ózinde oblysta 60 myńnan astam jeke jáne qosalqy fermerlik sharýashylyqtardy biriktiretin 704 aýyl sharýashylyǵy kooperatıvteri quryldy.