تٷركٸستان وبلىسى استانا قالاسىنىڭ 20 جىلدىق مەرەكەسٸ اياسىندا 5 رەت جەرمەڭكە ٶتكٸزبەك. وسى ارالىقتا تٷركٸستاندىق شارۋالار ەلورداعا 14 753 توننانى قۇرايتىن اۋىل شارۋاشىلىعى ٶنٸمدەرٸنٸڭ 28 تٷرٸن جٶنەلتەدٸ. وسى ماقساتتا وبلىستان 35 ٸرٸ جەنە قوسالقى شارۋا قوجالىقتارى مەن كەسٸپورىندارى ٸرٸكتەلٸپ, دايىندىق جۇمىستارى كٷشەيتٸلۋدە. اۋىل شارۋاشىلىعى ٶنٸمدەرٸ تيەلگەن العاشقى كەرۋەن ەلورداعا 20 ماۋسىم كٷنٸ جولعا شىقتى.
رەسپۋبليكادا ٶندٸرٸلەتٸن اۋىل شارۋاشىلىعى سالاسىنداعى جالپى ٶنٸمٸنٸڭ 12,4 پايىزى تٷركٸستان وبلىسىنا تيەسٸلٸ. مەسەلەن, ەلٸمٸزدە ٶندٸرٸلگەن ماقتانىڭ - 100, جٷزٸمنٸڭ – 72,5, باقشانىڭ – 60, جەمٸس-جيدەكتٸڭ – 36, ماقسارىنىڭ – 43,4, كٶكٶنٸستٸڭ– 24, جٷگەرٸنٸڭ – 21, سٷتتٸڭ – 13,5, ەتتٸڭ – 12,3 پايىزى وسى وبلىستىڭ ٷلەسٸندە.
سونداي-اق, تٷركٸستان وبلىسى وزىق تەحنولوگييالار تەرەڭ قوپسىتۋ بويىنشا 110 مىڭ, ينتەنسيۆتٸ باۋ 2,8 مىڭ, جىلىجاي سالۋ 1 325, تامشىلاتىپ سۋعارۋ ەدٸسٸن ەڭگٸزۋدە 59,1 مىڭ گەكتارمەن رەسپۋبليكادا الدىڭعى قاتاردا.
ونداعى مال شارۋاشىلىعى باعىتىندا حالىقارالىق ستاندارتتارعا سەيكەس ٸرٸ مال بورداقىلاۋ مەن زامانۋي روباتتالعان سٷت-تاۋارلى فەرمالار جەنە قۇس فابريكلارى ٸسكە اسىرىلۋدا. بۇل وبلىستىڭ اگرارلىق سالاسىنىڭ ەكسپورتتىق ەلەۋەتٸنٸڭ جوعارعى ەكەندٸگٸن كٶرسەتەدٸ.
ايتا كەتەيٸك, «قازاقستان رەسپۋبليكاسى اگروٶنەركەسٸپتٸك كەشەنٸن 2017-2021 ج.ج دامىتۋ» مەملەكەتتٸك باعدارلاماسى مەملەكەتتٸك قولداۋلار مەن قارجىلىق قۇرالدارى ارقىلى ەلدٸمەكەندەردەگٸ شاعىن جەنە ورتا بيزنەس پەن كووپەراتسييالار جٷيەسٸن دامىتۋعا ەرەكشە كٶڭٸل بٶلٸنٸپ كەلەدٸ. بٷگٸنگٸ كٷننٸڭ ٶزٸندە وبلىستا 60 مىڭنان استام جەكە جەنە قوسالقى فەرمەرلٸك شارۋاشىلىقتاردى بٸرٸكتٸرەتٸن 704 اۋىل شارۋاشىلىعى كووپەراتيۆتەرٸ قۇرىلدى.
