سەنات تٶراعاسى قىزمەتٸنەن كەتكەن مەۋلەن ەشٸمباەۆ جاڭا حالىقارالىق مٸندەت اتقاراتىنىن مەلٸمدەدٸ. ول 2027 جىلعى شەيح زايد اتىنداعى "ادامزات باۋىرلاستىعى ٷشٸن" حالىقارالىق سىيلىعىنىڭ قازىلار القاسىنىڭ قۇرامىنا ەنگەن, دەپ حابارلايدى dalanews.kz.
ەشٸمباەۆتىڭ ايتۋىنشا, ونى قازىلار القاسىنا قوسىلۋعا ەل-ازھاردىڭ باس يمامى احمەد ات-تايەب شاقىرعان.
"بٷگٸندە حالىقارالىق كٷن تەرتٸبٸندەگٸ ٶزەكتٸ مەسەلەلەردٸڭ بٸرٸ – بەيبٸتشٸلٸك پەن كەلٸسٸمدٸ ساقتاۋ, سونداي-اق تٷرلٸ مەدەنيەت, دٸن جەنە حالىقتار اراسىنداعى ديالوگتى دامىتۋ", – دەپ جازدى ول.
ول قازاقستان تەۋەلسٸزدٸكتٸڭ العاشقى كٷندەرٸنەن باستاپ وسى باعىتتا بەلسەندٸ جۇمىس ٸستەپ كەلە جاتقانىن اتاپ ٶتتٸ.
ەشٸمباەۆ سونداي-اق ادامزات باۋىرلاستىعى يدەياسىنىڭ 2019 جىلى ابۋ-دابيدە ريم پاپاسى فرانتسيسك پەن ەل-ازھاردىڭ باس يمامى احمەد ات-تايەبتٸڭ باستاماسىمەن كٶتەرٸلگەنٸن ەسكە سالدى. كەيٸن بۇل باستاما حالىقارالىق دەڭگەيدەگٸ قوزعالىسقا اينالعان.
شەيح زايد اتىنداعى «ادامزات باۋىرلاستىعى ٷشٸن» سىيلىعى بەيبٸتشٸلٸك, ديالوگ جەنە ٶزارا تٷسٸنٸستٸكتٸ نىعايتۋعا ٷلەس قوسقان تۇلعالار مەن ۇيىمدارعا بەرٸلەدٸ.
2027 جىلعى قازىلار القاسىنىڭ قۇرامىندا مەۋلەن ەشٸمباەۆپەن بٸرگە پورتۋگالييانىڭ بۇرىنعى پرەزيدەنتٸ مارسەلۋ رەبەلۋ دە سوۋزا جەنە يراكتىڭ ەكس-پرەزيدەنتٸ بارحام سالەح تە بار.
