Sharada 50-den astam kásipker qatysyp, jalpy quny 122,8 mln. teńgeni quraityn 286 tonna aýyl sharýashylyǵy ónimderin arzan baǵada saýdalaidy. Atap aitqanda, 65 tonna et jáne et ónimderi, 101 tonna kókónis, 18 tonna sút ónimderi, 23 tonna jemis-jidek, 18 tonna kartop, 20 myń dana jumyrtqa, 6 tonna balyq, 5 tonna balyq, 5 tonna keptirilgen jemis, 4 tonna túrli konserviler, 41 tonna basqa ónimder satylymǵa shyǵarylmaq.
Respýblikada óndiriletin aýyl sharýashylyǵy salasyndaǵy jalpy óniminiń 12,4 paiyzy Túrkistan oblysyna tiesili. Máselen, elimizde óndirilgen maqtanyń - 100, júzimniń - 72,5, baqshanyń – 60, jemis-jidektiń - 36, maqsarynyń - 43,4, kókónistiń - 24, júgeriniń - 21, súttiń - 13,5, ettiń - 12,3 paiyzy osy oblystyń úlesinde.
Sondai-aq, Túrkistan oblysy ozyq tehnologiialar tereń qopsytý boiynsha 110 myń, intensivti baý 2,8 myń, jylyjai salý 1 325, tamshylatyp sýǵarý ádisin eńgizýde 59,1 myń gektarmen respýblikada aldyńǵy qatarda.
Ondaǵy mal sharýashylyǵy baǵytynda halyqaralyq standarttarǵa sáikes iri mal bordaqylaý men zamanýi robattalǵan sút-taýarly fermalar jáne qus fabriklary iske asyrylýda. Bul oblystyń agrarlyq salasynyń eksporttyq áleýetiniń joǵarǵy ekendigin kórsetedi.
Aita keteiik, «Qazaqstan Respýblikasy Agroónerkásiptik keshenin 2017-2021 j.j damytý» memlekettik baǵdarlamasy memlekettik qoldaýlar men qarjylyq quraldary arqyly eldimekenderdegi shaǵyn jáne orta biznes pen kooperatsiialar júiesin damytýǵa erekshe kóńil bólinip keledi. Búgingi kúnniń ózinde oblysta 60 myńnan astam jeke jáne qosalqy fermerlik sharýashylyqtardy biriktiretin 704 aýyl sharýashylyǵy kooperativteri quryldy.
