Ol aldymen qabyldaýǵa jazylǵan turǵyndardyń ótinishterin tyńdady. Azamattardyń ataýly áleýmettik kómek alý, azyq-túlik jáne kiim-keshekke muqtajdyq, turaqty jumysqa ornalasý syndy taǵy da basqa máseleleri qaraldy.
Máselen, Túrkistan qalasynyń turǵyny D.Saifýllaeva 2022 jyly ataýly áleýmettik kómekke ótinish bergende qujattarynyń tolyq bolmaýyna bailanysty oǵan áleýmettik kómek taǵaiyndalmaǵan.
Biraq ótinish iesi demeýshiler tarapynan azyq-túlik jáne kiim-keshekpen qamtamasyz etilgen. Osy tektes túrli jaǵdailarmen ataýly áleýmettik kómek ala almaǵan kentaýlyq G.Boranbaeva men M.Seitimbetovaǵa qalalyq halyqty jumyspen qamtý ortalyǵynyń mamandaryna júginip ótinish bildirý usynyldy. Sondai-aq, partiia filialy tarapynan alda uiymdastyrylatyn kómek túrlerine engiziletini aityldy.
Qoǵamdyq qabyldaý kezinde jumyssyzdyq máselesine qatysty ótinishter qabyldaý sátinde sheshimin tapty. Aitalyq, Otyrar aýdanynyń turǵyndary M.Eleý men A.Tólepbergenova aýdandyq jumyspen qamtý ortalyǵyna «jumyssyz» retinde tirkelip, 2021-2025 jyldarǵa arnalǵan kásipkerlikti damytýdyń Ulttyq jobasy aiasynda aqyly qoǵamdyq jumys oryndaryna aqpan aiynyń 1-nen bastap jumysqa shyqty. Sol siiaqty túrkistandyq azamattar M.Zeidin men A.Abdýllaevtar da aqyly qoǵamdyq jumyspen qamtylatyn boldy.
Basqarma basshysy Á.Temirbaeva partiia filialynyń áleýmettik jelidegi paraqshalarynda tikelei efir arqyly oblys turǵyndarynyń suraqtaryna jaýap berip, talap-tilekterin nazarǵa aldy.
Qabyldaýda jalpy 37 adam óz máselelerin kóterdi. Onyń 24-i onlain túrde bolsa, 13-i oflain. Azamattardyń aryz-ótinishterine QR zańnamalaryna sáikes túsiniktemeler berilip, ońtaily sheshilýine deiin partiianyń baqylaýyna alyndy.
