ول الدىمەن قابىلداۋعا جازىلعان تۇرعىنداردىڭ وتىنىشتەرىن تىڭدادى. ازاماتتاردىڭ اتاۋلى الەۋمەتتىك كومەك الۋ، ازىق-تۇلىك جانە كيىم-كەشەككە مۇقتاجدىق، تۇراقتى جۇمىسقا ورنالاسۋ سىندى تاعى دا باسقا ماسەلەلەرى قارالدى.
ماسەلەن، تۇركىستان قالاسىنىڭ تۇرعىنى د.سايفۋللايەۆا 2022 جىلى اتاۋلى الەۋمەتتىك كومەككە ءوتىنىش بەرگەندە قۇجاتتارىنىڭ تولىق بولماۋىنا بايلانىستى وعان الەۋمەتتىك كومەك تاعايىندالماعان.
ءبىراق ءوتىنىش يەسى دەمەۋشىلەر تاراپىنان ازىق-تۇلىك جانە كيىم-كەشەكپەن قامتاماسىز ەتىلگەن. وسى تەكتەس ءتۇرلى جاعدايلارمەن اتاۋلى الەۋمەتتىك كومەك الا الماعان كەنتاۋلىق گ.بورانبايەۆا مەن م.سەيتىمبەتوۆاعا قالالىق حالىقتى جۇمىسپەن قامتۋ ورتالىعىنىڭ ماماندارىنا جۇگىنىپ ءوتىنىش ءبىلدىرۋ ۇسىنىلدى. سونداي-اق، پارتيا فيليالى تاراپىنان الدا ۇيىمداستىرىلاتىن كومەك تۇرلەرىنە ەنگىزىلەتىنى ايتىلدى.
قوعامدىق قابىلداۋ كەزىندە جۇمىسسىزدىق ماسەلەسىنە قاتىستى وتىنىشتەر قابىلداۋ ساتىندە شەشىمىن تاپتى. ايتالىق، وتىرار اۋدانىنىڭ تۇرعىندارى م.ەلەۋ مەن ا.تولەپبەرگەنوۆا اۋداندىق جۇمىسپەن قامتۋ ورتالىعىنا «جۇمىسسىز» رەتىندە تىركەلىپ، 2021-2025 جىلدارعا ارنالعان كاسىپكەرلىكتى دامىتۋدىڭ ۇلتتىق جوباسى اياسىندا اقىلى قوعامدىق جۇمىس ورىندارىنا اقپان ايىنىڭ 1-نەن باستاپ جۇمىسقا شىقتى. سول سياقتى تۇركىستاندىق ازاماتتار م.زەيدين مەن ا.ابدۋللايەۆتار دا اقىلى قوعامدىق جۇمىسپەن قامتىلاتىن بولدى.
باسقارما باسشىسى ءا.تەمىربايەۆا پارتيا فيليالىنىڭ الەۋمەتتىك جەلىدەگى پاراقشالارىندا تىكەلەي ەفير ارقىلى وبلىس تۇرعىندارىنىڭ سۇراقتارىنا جاۋاپ بەرىپ، تالاپ-تىلەكتەرىن نازارعا الدى.
قابىلداۋدا جالپى 37 ادام ءوز ماسەلەلەرىن كوتەردى. ونىڭ 24ء-ى ونلاين تۇردە بولسا، 13ء-ى وفلاين. ازاماتتاردىڭ ارىز-وتىنىشتەرىنە ق ر زاڭنامالارىنا سايكەس تۇسىنىكتەمەلەر بەرىلىپ، وڭتايلى شەشىلۋىنە دەيىن پارتيانىڭ باقىلاۋىنا الىندى.
