Jıyndy "Nur Otan" partıasynyń Túrkistan oblystyq fılıaly Tóraǵasynyń birinshi orynbasary Beısen Tájibaev ashty.
– Elbasy N.Nazarbaevtyń tapsyrmasy boıynsha 2015 jyldan bastap elimizdiń jumys kúshi az soltústik óńirlerine halqy tyǵyz ornalasqan ońtústik aımaqtardan halyqty óz erkimen qonystandyryp, olarǵa qajetti jaǵdaı jasaý jumystary bastalǵan bolatyn.
Osy oraıda, «Nur Otan» partıasy Túrkistan oblystyq fılıaly ishki kóshi-qon prosesterin retteý jáne eńbek kúshi mol aımaqtan, eńbek kúshi jetispeıtin respýblıkamyzdyń soltústik óńirlerine óz erkimen halyqty qonystandyrý jumystaryn nasıhattaýdy qolǵa aldyq, – dedi Beısen Tájibaev.
"Eńbek" baǵdarlamasy Túrkistan oblysynda 2015 jyldan beri bastalyp, búgingi tańda 881 otbasy, 3377 adam qonys aýdaryp, memleket tarapynan beriletin túrli áleýmettik kómektermen qamtamasyz etilgen.
Halyqty qonys aýdarýǵa yntalandyrý maqsatynda Soltústik óńirlerdiń ókilderi kezeń-kezeńimen oblysymyzda túsindirý jumystaryn júrgizýge, jalpy atalǵan kezeńde Soltústik óńirlerden 10 jumysshy toby, 173 kásipkerler men jumys berýshileri halyqpen kezdesý ótkizýde.
Sonymen qatar soltústik, shyǵys óńirlerindegi bos jumys oryndary týraly málimet aı saıyn alynyp, aýdandyq, qalalyq jumyspen qamtý ortalyqtarynyń bazalyq málimetterine engizilip turady. Tek osy jyldyń İ toqsanynda 3 myńǵa jýyq jumys oryndary usynyldy.
2018 jylǵa respýblıka boıynsha bólingen 1706 kvota negizinde oblysymyzdan 455 otbasy, 1768 adam soltústik óńirlerge qonys aýdaryp, kvotamen, kóshý úshin beriletin sýbsıdıamen qamtamasyz etilýde.
Oblysymyzdan qonys aýdarýshylardyń basym bóligi Saryaǵash (91 otbasy), Saıram (63 otbasy), Maqtaral (75otbasy), Ordabasy (49otbasy) aýdandarynyń úlesinde.
2019 jylǵa jospar boıynsha oblystan 427 otbasy, 1608 adam kóshirý josparda bar. Qazirgi tańda 284 otbasy, 911 adam soltústik óńirlerge qonys aýdardy.
2019 jyldyń 1tamyzyna Túrkistan oblysynan
Onyń ishinde:
-27 otbasy,112 adam Qostanaı oblysyna;
- 54 otbasy, 104 adam Shyǵys Qazaqstan oblysyna;
-147 otbasy, 415 adam Soltústik Qazaqstan oblysyna ;
-56 otbasy, 280 adam Pavlodar oblysyna qonys aýdardy.
Aıta keteıik, «Eńbek» baǵdarlamasyna qatysýshyǵa jáne onyń otbasy múshelerine – otaǵasyna jáne árbir otbasy múshesine bir ret 35 AEK (88375 tenge) mólsherinde kóshýge materıaldyq kómek beriledi.
Búgingi tańǵa deıin qonys aýdarǵandardyń basym bóligi turǵyn úımen, jumysqa qabiletti otbasy músheleri jumyspen qamtyldy.Óz kásibin ashamyn deýshilerge egin , mal sharýashylyǵymen shuǵyldanýǵa jer telimderi, bos turǵan ǵımarattar usynyldy. Kóship-qonýǵa baılanysty memleket tarapynan beriletin materıaldyq kómektermen (qarjylaı kómekter) barǵan azamattar qamtamasyz etilýde.
«Nur Otan» partıasy Túrkistan oblystyq fılıalynyń baspasóz qyzmeti
