"Nur Otan" پارتياسى تۇركىستان وبلىستىق فيليالى ەلباسىنىڭ باستاماسىمەن 2015 جىلدان بەرى جۇزەگە اسىپ كەلە جاتقان  "ەڭبەك" باعدارلاماسى بويىنشا حالىق اراسىندا اقپاراتتاندىرۋ جۇمىستارىن باستادى. ماقسات - حالىقتى تىعىز قونىستانعان وڭتۇستىكتەن سولتۇستىككە كوشىرۋ جۇمىستارىن كەڭىنەن ناسيحاتتاۋ.

جيىندى "Nur Otan" پارتياسىنىڭ تۇركىستان وبلىستىق فيليالى ءتوراعاسىنىڭ ءبىرىنشى ورىنباسارى بەيسەن تاجىبايەۆ اشتى.

– ەلباسى ن.نازاربايەۆتىڭ تاپسىرماسى بويىنشا 2015 جىلدان باستاپ ەلىمىزدىڭ جۇمىس كۇشى از سولتۇستىك وڭىرلەرىنە حالقى تىعىز ورنالاسقان وڭتۇستىك ايماقتاردان حالىقتى ءوز ەركىمەن قونىستاندىرىپ، ولارعا قاجەتتى جاعداي جاساۋ جۇمىستارى باستالعان بولاتىن.

وسى ورايدا، «Nur Otan» پارتياسى تۇركىستان وبلىستىق فيليالى ىشكى كوشى-قون پروسەستەرىن رەتتەۋ جانە ەڭبەك كۇشى مول ايماقتان، ەڭبەك كۇشى جەتىسپەيتىن  رەسپۋبليكامىزدىڭ سولتۇستىك وڭىرلەرىنە ءوز ەركىمەن حالىقتى قونىستاندىرۋ جۇمىستارىن ناسيحاتتاۋدى قولعا الدىق، – دەدى بەيسەن تاجىبايەۆ.

"ەڭبەك" باعدارلاماسى تۇركىستان وبلىسىندا  2015 جىلدان بەرى باستالىپ،  بۇگىنگى تاڭدا 881 وتباسى، 3377 ادام قونىس اۋدارىپ، مەملەكەت تاراپىنان بەرىلەتىن ءتۇرلى الەۋمەتتىك كومەكتەرمەن قامتاماسىز ەتىلگەن.

حالىقتى قونىس اۋدارۋعا ىنتالاندىرۋ ماقساتىندا سولتۇستىك وڭىرلەردىڭ وكىلدەرى كەزەڭ-كەزەڭىمەن وبلىسىمىزدا ءتۇسىندىرۋ جۇمىستارىن جۇرگىزۋگە، جالپى اتالعان كەزەڭدە  سولتۇستىك وڭىرلەردەن 10 جۇمىسشى توبى، 173 كاسىپكەرلەر مەن جۇمىس بەرۋشىلەرى حالىقپەن كەزدەسۋ وتكىزۋدە.

سونىمەن قاتار  سولتۇستىك، شىعىس وڭىرلەرىندەگى بوس جۇمىس ورىندارى تۋرالى مالىمەت اي سايىن الىنىپ، اۋداندىق، قالالىق جۇمىسپەن قامتۋ ورتالىقتارىنىڭ بازالىق مالىمەتتەرىنە ەنگىزىلىپ تۇرادى. تەك  وسى جىلدىڭ   ءى توقسانىندا 3 مىڭعا جۋىق  جۇمىس ورىندارى ۇسىنىلدى.

2018 جىلعا  رەسپۋبليكا بويىنشا بولىنگەن 1706 كۆوتا نەگىزىندە  وبلىسىمىزدان 455 وتباسى، 1768  ادام سولتۇستىك وڭىرلەرگە قونىس اۋدارىپ، كۆوتامەن، كوشۋ ءۇشىن بەرىلەتىن سۋبسيديامەن قامتاماسىز ەتىلۋدە.

وبلىسىمىزدان قونىس اۋدارۋشىلاردىڭ باسىم بولىگى سارىاعاش (91 وتباسى)، سايرام (63 وتباسى)، ماقتارال (75وتباسى)، ورداباسى (49وتباسى) اۋداندارىنىڭ ۇلەسىندە.

2019 جىلعا جوسپار بويىنشا وبلىستان 427 وتباسى، 1608  ادام كوشىرۋ جوسپاردا بار. قازىرگى تاڭدا 284 وتباسى، 911 ادام سولتۇستىك وڭىرلەرگە قونىس اۋداردى.

2019 جىلدىڭ 1تامىزىنا  تۇركىستان وبلىسىنان

ونىڭ ىشىندە:

-27 وتباسى،112 ادام  قوستاناي وبلىسىنا؛

- 54 وتباسى، 104 ادام شىعىس قازاقستان  وبلىسىنا؛

-147 وتباسى، 415 ادام  سولتۇستىك قازاقستان وبلىسىنا ؛

-56 وتباسى، 280 ادام پاۆلودار وبلىسىنا قونىس اۋداردى.

ايتا كەتەيىك، «ەڭبەك» باعدارلاماسىنا قاتىسۋشىعا جانە ونىڭ وتباسى مۇشەلەرىنە – وتاعاسىنا جانە ءاربىر وتباسى مۇشەسىنە ءبىر رەت 35 اەك (88375 تەنگە) مولشەرىندە كوشۋگە ماتەريالدىق كومەك بەرىلەدى.

بۇگىنگى تاڭعا  دەيىن قونىس اۋدارعانداردىڭ باسىم بولىگى  تۇرعىن ۇيمەن، جۇمىسقا قابىلەتتى وتباسى مۇشەلەرى جۇمىسپەن قامتىلدى.ءوز كاسىبىن اشامىن دەۋشىلەرگە  ەگىن ، مال شارۋاشىلىعىمەن شۇعىلدانۋعا جەر تەلىمدەرى، بوس تۇرعان عيماراتتار  ۇسىنىلدى. كوشىپ-قونۋعا بايلانىستى مەملەكەت تاراپىنان بەرىلەتىن ماتەريالدىق كومەكتەرمەن (قارجىلاي كومەكتەر) بارعان ازاماتتار  قامتاماسىز ەتىلۋدە.

 

«Nur Otan» پارتياسى تۇركىستان وبلىستىق فيليالىنىڭ باسپا ءسوز قىزمەتى