Tańbaly tas Qyzylorda, Qaraǵandy jáne Túrkistan oblystarynyń shekarasy túiisken jerde ornalasqan. Qazir onda Elbasy tapsyrmasyna sáikes zertteý jumystary júrip jatyr. «Bolashaqqa baǵdar: Rýhani jańǵyrý» tarihi eskertkishterdi qaita qalpyna keltirý baǵytynda bul nysanǵa airyqsha nazar aýdarylýda.
– Ótken jyly bizde jumysshy toby qurylyp, 104 nysan iriktelip alyndy. Ony "Rýhani jańǵyrý" keńsesine usyndyq. Tiisti ǵalymdar zerdelep, bizdiń oblystan 26 nysan respýblikalyq tizimge enzilip otyr. Osy tizimniń ishinde Sozaqtaǵy tańbaly tas ta bar, – deidi oblystyq mádeniet jáne tilderdi damytý basqarmasy basshysynyń mindetin atqarýshy Asylhan Temirhan.
– Negizgi nysandar retinde ol jerden eki keshen tabylyp otyr. Ol jerde de zertteý jumystary júrip jatyr. Jaqyn arada belgili bolady. Onyń ereksheligi sonda – ol qumdy jer bolyp keledi. Sondyqtan, ondaǵy jerleý oryndaryndaǵy buiymdar jaqsy saqtalǵan, – deidi ol.
Atalmysh jumystar qoǵamdyq sanany jańǵyrtý baǵdarlamasynyń aiasynda júzege asyp jatyr. Al óńirde 1281 tarihi eskertkish bar. Olardyń joiylyp ketýine jol bermeý úshin tyńǵylyqty tirlik atqarylýda. Jaqynda tarihi kieli oryndarǵa arnalǵan ańyz-áńgimeler jinaǵy jaryq kórmek. Sondai-aq, tarihi eskertkishterdi kópshilikke nasihattaityn arnaiy sait ashylmaqshy.
