Halyqaralyq yntymaqtastyqty nyǵaıtýǵa baǵyttalǵan oblys ákimdiginiń usynysy tıisti mınıstrlikke joldanyp, nátıjesinde aǵymdaǵy jyldyń 10 jeltoqsanynda Túrkistan qalasyndaǵy «Altyn Orda» avtobeketinde atalǵan baǵyttyń ashylý rásimi ótti.
Aıtýly sharaǵa oblystyq jolaýshylar kóligi jáne avtomobıl joldary basqarmasy basshysynyń mindetin atqarýshy M.Myrzabaev, oblystyq týrızm jáne syrtqy baılanystar basqarmasy basshysynyń orynbasary J.Tólebekov, oblystyq máslıhat depýtaty B.Musabekov, sondaı-aq «Baqdáýlet Servıs» JSHS-niń dırektory N.Qarabaev, «Altyn Orda» avtobeketi dırektorynyń mindetin atqarýshy B.Ájekov jáne BAQ ókilderi qatysty.
Atalǵan baǵytqa parıtettik negizde Qazaqstandyq tasymaldaýshy «Baqdáýlet Servıs» JSHS jáne Ózbekstandyq «Ýzavtotrans» OOO mekemesi qyzmet kórsetedi. Aıta keterligi, baǵyttyń jalpy qashyqtyǵy– 335 shaqyrym. Jolǵa ketetin ýaqyt – 6 saǵat 40 mınýt. Eki baǵytta kúndelikti 2 avtobýs qatynaıdy. Túrkistan qalasynan shyǵý ýaqyty («Altyn Orda» avtobeketi) saǵat 07:00 jáne 17:00-de. Al Tashkent qalasynan shyǵý ýaqyty («Tashkent» avtovokzaly) – saǵat 08:00, 18:00 (Astana ýaqytymen). Tehnıkalyq aıaldama – 30 mınýt. Jol júrý tarıfi– 2000 teńge nemese 50000 sým.
Óz kezeginde «Túrkistan-Tashkent» halyqaralyq avtobýs baǵytynyń ashylýy eki eldiń arasynda týrıser aǵynynyń artýyna, jańa týrısik baǵyttar qalyptastyrýǵa jáne yntymaqtastyqtyń nyǵaıýyna oń áserin tıgizetin bolady.
Túrkistan oblysy ákiminiń baspasóz qyzmeti
