Tatar eliniń beldi kásipkerler tobyn bastap kelgen azamattarǵa, aldymen, alǵysyn bildirgen óńir basshysy baýyrlas elderdi bailanystyratyn tereń tarihymyz ben tilder uqsastyǵy, salt-dástúrlerimizdiń qazirgi yntymaqtastyǵymyz úshin berik negiz bolatynyn jetkizdi. Túrkistannyń jańaryp, jańǵyryp jatqan tusynda aǵaiyn tatar jurtymen ónerkásip, saýda-ekonomikalyq, investitsiialyq, sonymen birge, turǵyn úi-kommýnaldy sharýashylyǵy, týrizm, transport jáne qaýipsizdik salalaryna IT-tehnologiia júielerin engizýde áriptestik ornatýǵa yntaly ekenin meńzedi. Sondai-aq, Túrkistan men Tatarstan astanasy Qazan qalasyn baýyrlas qalalarǵa ainaldyrý usynysyn jetkizdi.
Óz kezeginde, Tatarstannyń Qazaqstandaǵy Ókiletti ýákili D.Valeev Túrkistan oblysymen kóptegen salalarda yntymaqtastyq ornatýǵa daiyn ekenin jetkizip, baýyrlas ulttardyń rýhani bailanysy da beki túsetinine senim bildirdi.
Eki jaqty otyrys nátijesinde, Túrkistan oblysynyń ákimdigi men Tatarstannyń «BARS Grýp» AQ arasynda innovatsiialyq aqparattyq tehnologiialar jáne tsifrlandyrý salasynda yntymaqtastyq memorandýmy túzildi. Atalǵan qujat aiasynda elektrondy memlekettik qyzmet kórsetýde innovatsiialyq aqparattyq tehnologiialardy damytý máseleleri syndy jáitter qamtylǵan.
Aita ketken jón, 2017 jyly Qazaqstan men Tatarstan arasyndaǵy saýda ainalymy 700 mln. AQSh dollaryn qurap, 2016 jylmen salystyrǵanda 1,7 esege ósken. Búginde qos eldiń kásipkerleri mashina qurastyrý, munaihimiia, áskeri-tehnikalyq, kólik-logistikalyq salalary aiasynda áriptestik ornatyp keledi. Elordalary - Astana men Qazan qalalary baýyrlas shaharlary bolyp tabylsa, Almaty men Qazan áriptes qalalar sanalady.
Túrkistan oblysy ákiminiń baspasóz qyzmeti
