Túrkistan men Astana kásipkerleri tájiribe almasty
Elordanyń 20 jyldyǵyna orai, «Qazaqstannyń óńirlerindegi Astananyń kúnderi» sheńberi aiasynda uiymdastyrylǵan sharanyń maqsaty – Túrkistan oblysynyń biznes-qoǵamdastyǵy men óńirlik damý institýttarymen tájiribe almasý bolyp tabylady. Sonymen birge, jergilikti kásipkerlerdiń Astana qalasynyń investitsiialyq múmkindikterimen, týristik áleýetimen, tabysty júzege asyrylyp jatqan shaǵyn jáne orta biznesti qoldaý jónindegi óńirlik baǵdarlamalarymen tanysý da búgingi basqosýdyń negizgi mindetteriniń biri boldy.
Astana qalalyq investitsiialar jáne kásipkerlikti damytý basqarmasy basshysynyń mindetin atqarýshy Erlan Bekmurzaev bastaǵan resmi delegatsiianyń bul saparyna sátti qadam tilegen Túrkistan oblysy ákiminiń orynbasary Erbol Tasjúrekov biznes forýmnyń mańyzdylyǵyn atap ótip, túrkistandyq kásipkerlerdiń arqadaǵy biznesmendermen ózara birlese jumys isteýge qashan da daiyndyǵyn jetkizdi.
– Túrkistan oblysynyń biznes qoǵamdastyǵy Astana qalasyndaǵy áriptesterimen oi bólisip, tájirbie almasqaly otyr. Óitkeni Astana qalasy 20 jyldyq qysqa ýaqyt ishinde qulpyryp, gúldendi. Túrkistan oblysy da jańa statýsqa ie boldy. Elbasynyń tapsyrmasy negizinde biz de qysqa ýaqyt ishinde Túrkistan qalasynyń búkil túrki halqynyń tarihi-mádeni ortalyǵyna ainalatynyna senimdimiz. Sondyqtan barlyqtaryńyzdy jiynǵa belsendi atsalysyp, oi-pikirlerińizdi erkin bildirip otyrýǵa shaqyramyn, – dedi ol.
Odan soń sóz alǵan Astana qalasynyń investitsiialar jáne kásipkerlikti damytý basqarmasy basshysynyń mindetin atqarýshy E.Bekmurzaev búginde Túrkistan oblysynda Astana qalasynyń kúnderi ótip jatqanyna toqtaldy. Ataýly kúnderdiń oidaǵydai ótýin erekshe nazarda ustap otyrǵan oblys basshylyǵyna alǵysyn bildirgen ol biznes-forýmda Astana qalasynyń 20 jylda jetken jetistikteri, kásipkerlik, investitsiialyq -innovatsiialyq jáne týrizm jaiyn jan-jaqty aityp beretin sala mamandarynyń qatysyp otyrǵanyn jetkizdi.
Iskerlik kezdesý aiasynda Túrkistan qalasy ákimdigi men Astana qalasy ákimdikteri arasynda óńiraralyq qatynastardy damytý úshin ózara túsinistik pen yntymaqtastyq týraly memorandýmdarǵa qol qoiyldy. Investitsiialyq, innovatsiialyq jáne týrizm salalarynda birlesken jumys isteýge ýaǵdalasqan taraptar bolashaqta túrli jobalardyń jaryqqa shyǵyp, elge paidasyn tigizetinine senimdi.
Túrkistandaǵy Astana kúnderi aiasynda arqalyq qonaqtar men qatysýshylar Kentaý transformator zaýytyn aralap, Qoja Ahmet Iassaýi kesenesine ziiarat etti. Sondai-aq, búgin keshke jumysshy top Astana qalasynyń 20 jyldyǵyna arnalǵan Gala-kontsertti tamashalaidy dep josparlanýda.
Túrkistan oblysy ákiminiń baspasóz qyzmeti
