Shejireli shaharǵa arnaiy atbasyn burǵan «Turan ekspress» kompaniiasy men «Turan.tv» telearnasynyń bas direktory Roman Botabekov aldymen oblys ákimi Janseiit Túimebaevtyń qabyldaýynda bolyp, týrizmdi damytý baǵytynda pikir almasty. Oblys ákimi tarapynan qoldaýǵa ie bolǵan kompaniia basshysy óńirdiń týrizmin damytýǵa úles qosatynyn aitty.
– Túrkistannyń oblys ortalyǵy atanǵanyn qýanyshpen qabyldadym. Ózim Kentaýda týyp-óskem. Sondyqtan týǵan jerge qyzmet etýge, týristik áleýetin kóterýge úlesimdi qossam degen nietpen kelip otyrmyn. Qarasha aiynan bastap Almaty men Túrkistan qalalary arasynda týristik poiyz baǵytyn ashpaqshymyz. Ekinshiden, ózim basqaratyn «Turan.tv» telearnasy arqyly Túrkistan oblysy men Túrkistan qalasynyń kórikti, shejireli oryndary týraly beinematerialdar, reportajdar, filmder ázirleimiz. Osy jumystarymyz arqyly Túrkistannyń týrizmin damytýǵa úles qosamyz degen oidamyn. Sebebi, qazir saiahatshylarǵa keregi – jaily kólik pen qoljetimdi aqparat, – deidi Roman Botabekov.
Atalǵan poiyz Almatydan juma kúni shyǵyp, jeksenbi kúni keri qaitady. Saiahatshy jolaýshylar qonaq úi izdemei, osy poiyzda tynyǵyp, Túrkistandy eki kún aralaidy. Ázirshe bul poiyz aptasyna 4 ret júrgizilse, keleshekte kún saiyn saparǵa shyǵady degen jospar bar. Sonymen qatar, «Turan ekspress» kompaniiasy Túrkistan men Shymkent qalalary arasynda kún saiyn qatynaityn poiyz baǵytyn ashýdy da qolǵa almaqshy. Ákimdikter tarapynan qoldaý tapsa, bul jospar da júzege aspaq. Búginde «Turan ekspress» kompaniiasynyń ieliginde zaman talabyna sai 100-den astam vagon bar. Jolaýshy tasymalyndaǵy kóshbasshylardyń biri. Al, «Turan.tv» —telearnasy elimizdegi týrizm men ańshylyqty, balyq sharýashylyǵy men belsendi ómir saltyn nasihattaityn jalǵyz salalyq telearna. Osy memorandýmdar arqyly Túrkistan qalasynyń týristik áleýeti kóteriledi degen boljam bar.
Túrkistan oblysy ákiminiń baspasóz qyzmeti
