Alǵashqy reısti 2024 jyly aqpan aıynda iske qosý josparlanýda. Bıletter qazirdiń ózinde satylymǵa shyqty.
Wizzair.com resmı saıty jáne mobıldi qosymshasynda bılet baǵasy 20 myń teńgeden (159 dırham) bastalady. Reıster aptanyń seısenbi, beısenbi jáne senbi kúnderine belgilenip otyr.
Wizz Flex kómegimen jolaýshylar bıletterdi senimdi túrde brondaýǵa bolady. Jolaýshylar reısti ushý ýaqytynan úsh saǵat buryn eshqandaı komısıasyz ózgerte alady. Avıakompanıanyń nesıesi retinde jol júrý qunynyń 100 paıyzyn óteledi.
Túrkistan – eldiń injý-marjany, tarıhtyń, mádenıettiń, tabıǵı sulýlyqtyń keremet úılesim tapqan jáne alýan túrli murasyn aıǵaqtaıtyn birden-bir erekshe shahar.
Islam jáne sáýlet óneriniń ulylyǵyn beıneleıtin, IýNESKO-nyń Búkilálemdik mura tizimine engen Qoja Ahmet Iasaýı kesenesi sıaqty ǵajaıyp nysandarymen maqtana alady.
Saıahatshylardy jergilikti dámdi taǵamdary men ǵasyrlyq dástúrler úlgisi kútedi. Ekologıalyq týrızmniń belsendileri úshin tabıǵı parkteri men qoryqtarynyń ár alýandyǵy tamsandyrady. Al, Ábý-Dábı – mádenıet jáne kórikti jerlerimen jyl boıy kún astyndaǵy demalys usynatyn álemge áıgili jer.
Sondaı-aq BAÁ-niń ulttyq kompanıasy tómen tarıfterdi usynýymen erekshelenedi.
«Wizz Air Abu Dhabi» ulttyq kompanıasy basqarýshy dırektory Iohan Eıdhagenniń aıtýynsha, tańǵajaıyp peızajdary men baı mádenıetiniń arqasynda Qazaqstan, onyń ishinde Túrkistan óńiriniń týrısik áleýeti shytyrman oqıǵa áýesqoılarynyń qyzyǵýshylyǵyn arttyrady.
Ejelgi Jibek jolyn zerttegisi keletinder úshin qyzyqty ári qoljetimdi saıahat múmkindikterin usynýda. Túrkistanda iske qosylatyn jańa baǵyt atalǵan áýe kompanıasynyń Qazaqstan boıynsha úshinshi jelisi bolyp tabylady.
YDA Group avıasıa basqarmasynyń múshesi, Bas dırektory Hamdı Gúvench kelissózder nátıjesindegi seriktestik jáne yntymaqtastyq qarym-qatynastar júzege asqanyn qýana jetkizýde.
Aıta keteıik, qazirgi tańda Túrkistan halyqaralyq áýejaıy Ystanbul jáne El-Kýveıt halyqaralyq, Astana, Almaty, Aqtaý, Aqtóbe, Oral, Qaraǵandy respýblıka ishilik áýe baǵyttaryna qyzmet kórsetip keledi.
