Maqtaaral aýdany turǵyndary úshin qoǵamdyq kólikter – kúndelikti turmystyń mańyzdy bóligi. Aýdannyń halyq tyǵyz ornalasqan eldi mekenderin ózara bailanystyratyn baǵyttardyń biri – «Myrzakent – Atakent – Myrzakent» marshrýty bolyp sanalady. Bul baǵytta 2021 jyldyń 1 maýsymynan bastap tasymaldaýshy merdiger «SAR avto» JShS-gi turaqty túrde qyzmet kórsetip keledi, - dep habarlaidy Dalanews.kz
Degenmen, osy ýaqytqa deiin qyzmet kórsetken qoǵamdyq kólikterdiń tehnikalyq jaǵdaiy men jailylyǵy zamanaýi talaptarǵa tolyqtai sai bolmaǵany belgili. Bul másele aýdan ákimdigi tarapynan nazardan tys qalmady. Aýdan ákimi Bahyt Asanovtyń tapsyrmasyna sáikes, turǵyndarǵa jaily ári qaýipsiz kólik qyzmetin usyný maqsatynda qoǵamdyq kólik parkin jańartý boiynsha naqty sharalar qolǵa alyndy. Osyǵan orai, Qazaqstan Respýblikasy Úkimetiniń 2021 jylǵy 2 qyrkúiektegi №604 qaýlysyna sáikes, «Ónerkásipti damytý qory» aktsionerlik qoǵamynyń jeńildetilgen lizingtik qarjylandyrýy arqyly «SAR avto» JShS-ne 7 jyl merzimge jańa tehnika satyp alýǵa múmkindik berildi. Nátijesinde, aýdanǵa otandyq óndiristen shyqqan, zamanaýi talaptarǵa sai jabdyqtalǵan, Semei avtozavodynda qurastyrylǵan GAZel NEKST markaly 4 dana jańa mikroavtobýs jetkizildi.
Búgin aýdan ákimi mindetin atqarýshy Nurbol Sattarov, aýdandyq máslihattyń hatshysy Qadir Sársekbaevtar jańadan kelgen qoǵamdyq kólikterdiń ishin arnaiy qarap shyǵyp, kóliktiń kiltterin júrgizýshilerine tabystady. Bul kólikter – zamanaýi konditsionerlik júiemen (muzdatqyshpen) jabdyqtalǵan, jolaýshylar úshin yńǵaily oryndyqtarmen, qaýipsizdik beldikterimen jáne sapaly jeldetý júiesimen qamtamasyz etilgen. Sonymen qatar bul kólikterdiń ekologiialyq tazalyǵy men otyn únemdeýshi sipattary da artyqshylyqtardyń biri bolyp sanalady.
Aýdan ákimdigi men merdiger kompaniia tyǵyz yntymaqtastyǵynyń arqasynda júzege asqan bul joba – Maqtaaral turǵyndarynyń ómir sapasyn arttyrý jolyndaǵy mańyzdy qadamdardyń biri. Jańartylǵan kólikter óz baǵyty boiynsha kestege sáikes kúndelikti qatynap, turǵyndarǵa sapaly qyzmet kórsetetin bolady. Bul – el Prezidentiniń «Halyq únine qulaq asatyn memleket» tujyrymdamasyna negizdelgen áleýmettik baǵyttaǵy saiasattyń naqty kórinisi.
