Túrkistan kóshpendiler oıyndary kórsetiledi

Dalanews 10 naý. 2021 10:16 467

Túrkistan qalasynda kóshpendiler oıyndary kórsetiledi. Ol úshin Parıjden arnaıy aldyrylǵan asyl tuqymdy, qolǵa úıretilgen jylqylar Túrkistanǵa jetkizildi, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Fransıa eli men Qazaqstannyń ózge de óńirlerinen ákelingen 33 júırik at «Kerýen saraı» kópfýnksıonaldy týrısik kesheninde 3D-grafıkasyn qoldana otyryp usynylatyn teatrlandyrylǵan qoıylymǵa qatysady.

Fransıanyń jylqy ósirý zaýyty Qambar ata tólin ósirýde dástúrli tásildermen qosa ınovasıalyq tehnologıalardy qoldanady. Sáıgúlikterdi salt júriske úıretedi.

Túrkistan tórinde kóshpendiler órkenıetin kórsetý úshin qolǵa alynǵan «Attar shoýy» kezinde ashyq aspan astynda sırk óneri men otty shoý kórsetiledi. Olardy baptaýǵa arnaıy daıyndyqtan ótken mamandar atsalysýda. Kópshilikke usynylatyn shoý baǵdarlamanyń arnaıy kestesi bekitilýde.

Oblys basshysy Ómirzaq Shókeev Túrkistan qalasyndaǵy qurylys alańdaryn aralap, atqarylǵan jumystardy baqylady. Týrızmniń negizgi oshaǵyna aınalatyn «Kerýen saraı» kesheninde bolǵan oblys ákimi ondaǵy jumys barysyn pysyqtady. Kórermenderge arnalǵan alyp arenany aralap, kógaldandyrý jumystarynyń barysymen tanysty. Munda kúrdeli qurylys aıaqtalǵan.


Aımaq basshysy mádenı-rýhanı ortalyqta ornalasqan ǵylymı-ámbebap kitaphanada júrgizilip jatqan qurylys jumystarymen tanysty. Jalpy aýmaǵy 8500 sharshy metrge jetetin úsh qabatty ǵımaratta 400 oryndyq oqý zaly, 250 myń kitap qory bolady. Oblys basshysynyń tapsyrmasymen kitaphananyń ishki qabyrǵalary áınekke aýystyrylyp, zamanaýı tehnıkamen jabdyqtalýda. Jıhazdar ornatylýda.

Ómirzaq Estaıuly «Tuńǵysh Prezıdent saıabaǵynda» boldy. Islam baǵy negizinde boı kótergen demalys aýmaǵy 40 gektarǵa jýyq. Saıabaqtaǵy jasandy kólge sý keldi. Ol úshin sý uńǵymasy men rezervýar salyndy. 7 myńǵa jýyq aǵash otyrǵyzylǵan baqta  jaıaý júrginshiler joldary salynyp, kishi sáýlettik músinder ornatylǵan. Saıabaqtyń bas qaqpasy mármármen qaptalǵan.

Usynylǵan
Sońǵy jańalyqtar