Túrkistan óńirinde sońǵy kezderi sport salasyna kóńil bólinip keledi. Turǵyndardyń bos ýaqytyn tiimdi ótkizýine jaǵdai jasaý maqsatynda túrli áleýmettik nysandar boi kóterýde. Sonyń ishinde Kentaý qalasynda dene shynyqtyrý-saýyqtyrý kesheniniń qurylysy qolǵa alynǵan. Búgin jumys saparymen barǵan oblys ákiminiń orynbasary Ertai Altaev qala ákimi Jandos Tasovpen birge birqatar áleýmettik nysandardy aralady, dep habarlaidy Dalanews.kz.
Qala ákimdigi men jaýapty basqarmaǵa jumys barysyn baqylaýdy tapsyrdy. Bul baǵyttaǵy tiisti aqparattardy der kezinde joldap otyrý qajettigin aitty. Qala kóshelerin jaiaý aralap, «Taza Qazaqstan» baǵdarlamasy negizinde turaqty túrde is-sharalar ótkizýdi atap ótti.
Jańa sport ǵimaratyna ótken jyldyń sońynda saraptama qorytyndysy alynyp, qurylys jumystaryna biýdjettik ótinim joldandy. Eki qabattan turatyn nysannyń jer aýmaǵy 1,1348 ga. Ǵimarattardyń jalpy aýdany: 3920,88 m2. Onyń ishinde kórkem gimnastika jáne jattyǵý zaly, ákimshilik ǵimaraty, kiim aýystyratyn bólmeler, dárethanalar, jattyqtyrýshy kabineti josparlanǵan.
Budan bólek 1977 jyly paidalanýǵa berilgen boks mektebi men B.Sattarhanov atyndaǵy balalar jáne jasóspirimder sport mektebiniń tynys-tirshiligimen tanysty. Eki mektep te aǵymdaǵy jóndeýdi qajet etedi. Búgingi tańda qurylys jasaýǵa qajet JSQ ázirlenip, oblysqa qarjy suraýǵa ótinim jiberilgen. Qarjy qaralǵan boida qurylys jumystary atqarylmaq. Balalardyń alańsyz sportpen shuǵyldanýy úshin tiisti jumystar júrgizý qajet dedi.
Jumys sapary Sh.Qaldaiaqov atyndaǵy mádeniet úiinde jalǵasty. Atalǵan mádeniet oshaǵy 1977 jyly salynǵan arnaiy tiptik ǵimaratta ornalasqan. Kórermen zalyndaǵy oryn sany – 525. Kishi zalda – 200 oryn. 2013-2015 jyldary qaita jóndeý jumystary júrgizilgen. Mádeniet saraiyna qarasty 4 aýyl klýby jáne 1 shyǵarmashylyq úii qyzmet atqarady. Jalpy mádeniet saraiy men aýyl klýbtarynda 21 úiirme jumys atqaryp keledi.
Sapar barysynda Kentaý qalalyq ortalyq meshit janynan jańadan salynyp jatqan medrese qurylysymen tanysty. 4500 sharshy metrdi quraidy alańǵa jataqhana, oqý ǵimaraty, sport kesheni, ashana kiredi. Demeýshiler esebinen salynyp jatqan jataqhana 120 adamǵa eseptelgen. 2023 jyly bastalǵan qurylys kelesi jyly aiaqtalady dep josparlanýda. Sodan soń Jastar resýrstyq ortalyǵyna bardy. 2011 jyly jyly qoldanysqa berilgen ortalyqta 19 adam qyzmet etýde. Úlken akt zalynan bólek, 7 kabinet bar. Jastar memleketik baǵdaralamalar týraly arnaiy mamandardan, sonymen qatar zańger, psihologtan keńes ala alady. Túrli sport túrleri de qarastyrylǵan.
Qazirgi tańda Kentaý qalasynyń aýmaǵyn jáne oǵan irgeles eldi mekenderdi ekologiialyq daǵdarysqa deiingi jaǵdai aimaǵyna jatqyzý maqsatynda 2 baǵytta jumys júrgizilýde. Ertai Kenjebekuly qaladaǵy 900 ga quraityn tótenshe jaǵdaidaǵy qaýipti aimaqty kórip, atqarylyp jatqan jumystarmen tanysty. Atalǵan aýmaqta turǵyn úi, sý qabyldaý sorǵy stantsiiasy jáne 10 óndiristik baza bar. Aldaǵy ýaqytta bul aýmaqtan obektilerdi shyǵarýǵa qatysty máseleler Qazaqstan Respýblikasynyń zańnamasy aiasynda qaralatyn bolady dedi.
