تۇركىستان وڭىرىندە سوڭعى كەزدەرى سپورت سالاسىنا كوڭىل ءبولىنىپ كەلەدى. تۇرعىنداردىڭ بوس ۋاقىتىن ءتيىمدى وتكىزۋىنە جاعداي جاساۋ ماقساتىندا ءتۇرلى الەۋمەتتىك نىساندار بوي كوتەرۋدە. سونىڭ ىشىندە كەنتاۋ قالاسىندا دەنە شىنىقتىرۋ-ساۋىقتىرۋ كەشەنىنىڭ قۇرىلىسى قولعا الىنعان. بۇگىن جۇمىس ساپارىمەن بارعان وبلىس اكىمىنىڭ ورىنباسارى ەرتاي التايەۆ قالا اكىمى جاندوس تاسوۆپەن بىرگە ءبىرقاتار الەۋمەتتىك نىسانداردى ارالادى، دەپ حابارلايدى Dalanews.kz.
قالا اكىمدىگى مەن جاۋاپتى باسقارماعا جۇمىس بارىسىن باقىلاۋدى تاپسىردى. بۇل باعىتتاعى ءتيىستى اقپاراتتاردى دەر كەزىندە جولداپ وتىرۋ قاجەتتىگىن ايتتى. قالا كوشەلەرىن جاياۋ ارالاپ، «تازا قازاقستان» باعدارلاماسى نەگىزىندە تۇراقتى تۇردە ءىس-شارالار وتكىزۋدى اتاپ ءوتتى.
جاڭا سپورت عيماراتىنا وتكەن جىلدىڭ سوڭىندا ساراپتاما قورىتىندىسى الىنىپ، قۇرىلىس جۇمىستارىنا بيۋدجەتتىك ءوتىنىم جولداندى. ەكى قاباتتان تۇراتىن نىساننىڭ جەر اۋماعى 1،1348 گا. عيماراتتاردىڭ جالپى اۋدانى: 3920،88 م2. ونىڭ ىشىندە كوركەم گيمناستيكا جانە جاتتىعۋ زالى، اكىمشىلىك عيماراتى، كيىم اۋىستىراتىن بولمەلەر، دارەتحانالار، جاتتىقتىرۋشى كابينەتى جوسپارلانعان.
بۇدان بولەك 1977 جىلى پايدالانۋعا بەرىلگەن بوكس مەكتەبى مەن ب.ساتتارحانوۆ اتىنداعى بالالار جانە جاسوسپىرىمدەر سپورت مەكتەبىنىڭ تىنىس-تىرشىلىگىمەن تانىستى. ەكى مەكتەپ تە اعىمداعى جوندەۋدى قاجەت ەتەدى. بۇگىنگى تاڭدا قۇرىلىس جاساۋعا قاجەت جسق ازىرلەنىپ، وبلىسقا قارجى سۇراۋعا ءوتىنىم جىبەرىلگەن. قارجى قارالعان بويدا قۇرىلىس جۇمىستارى اتقارىلماق. بالالاردىڭ الاڭسىز سپورتپەن شۇعىلدانۋى ءۇشىن ءتيىستى جۇمىستار جۇرگىزۋ قاجەت دەدى.
جۇمىس ساپارى ش.قالداياقوۆ اتىنداعى مادەنيەت ۇيىندە جالعاستى. اتالعان مادەنيەت وشاعى 1977 جىلى سالىنعان ارنايى تيپتىك عيماراتتا ورنالاسقان. كورەرمەن زالىنداعى ورىن سانى – 525. كىشى زالدا – 200 ورىن. 2013-2015 جىلدارى قايتا جوندەۋ جۇمىستارى جۇرگىزىلگەن. مادەنيەت سارايىنا قاراستى 4 اۋىل كلۋبى جانە 1 شىعارماشىلىق ءۇيى قىزمەت اتقارادى. جالپى مادەنيەت سارايى مەن اۋىل كلۋبتارىندا 21 ۇيىرمە جۇمىس اتقارىپ كەلەدى.
ساپار بارىسىندا كەنتاۋ قالالىق ورتالىق مەشىت جانىنان جاڭادان سالىنىپ جاتقان مەدرەسە قۇرىلىسىمەن تانىستى. 4500 شارشى مەتردى قۇرايدى الاڭعا جاتاقحانا، وقۋ عيماراتى، سپورت كەشەنى، اسحانا كىرەدى. دەمەۋشىلەر ەسەبىنەن سالىنىپ جاتقان جاتاقحانا 120 ادامعا ەسەپتەلگەن. 2023 جىلى باستالعان قۇرىلىس كەلەسى جىلى اياقتالادى دەپ جوسپارلانۋدا. سودان سوڭ جاستار رەسۋرستىق ورتالىعىنا باردى. 2011 جىلى جىلى قولدانىسقا بەرىلگەن ورتالىقتا 19 ادام قىزمەت ەتۋدە. ۇلكەن اكت زالىنان بولەك، 7 كابينەت بار. جاستار مەملەكەتىك باعدارالامالار تۋرالى ارنايى مامانداردان، سونىمەن قاتار زاڭگەر، پسيحولوگتان كەڭەس الا الادى. ءتۇرلى سپورت تۇرلەرى دە قاراستىرىلعان.
قازىرگى تاڭدا كەنتاۋ قالاسىنىڭ اۋماعىن جانە وعان ىرگەلەس ەلدى مەكەندەردى ەكولوگيالىق داعدارىسقا دەيىنگى جاعداي ايماعىنا جاتقىزۋ ماقساتىندا 2 باعىتتا جۇمىس جۇرگىزىلۋدە. ەرتاي كەنجەبەك ۇلى قالاداعى 900 گا قۇرايتىن توتەنشە جاعدايداعى ءقاۋىپتى ايماقتى كورىپ، اتقارىلىپ جاتقان جۇمىستارمەن تانىستى. اتالعان اۋماقتا تۇرعىن ءۇي، سۋ قابىلداۋ سورعى ستانسياسى جانە 10 وندىرىستىك بازا بار. الداعى ۋاقىتتا بۇل اۋماقتان وبەكتىلەردى شىعارۋعا قاتىستى ماسەلەلەر قازاقستان رەسپۋبليكاسىنىڭ زاڭناماسى اياسىندا قارالاتىن بولادى دەدى.
