قازاقستاندا بالالاردى زاڭسىز جەنە زيياندى اقپاراتتان قورعاۋ اياسىندا 6863 ينتەرنەت-رەسۋرسقا قولجەتٸمدٸلٸك شەكتەلدٸ, دەپ حابارلايدى dalanews.kz.
بۇل تۋرالى ٷكٸمەت وتىرىسىندا مەدەنيەت جەنە اقپارات مينيسترٸنٸڭ بٸرٸنشٸ ورىنباسارى قانات ىسقاقوۆ مەلٸمدەدٸ.
ونىڭ ايتۋىنشا, مينيسترلٸك جازعى كەزەڭدە بالالاردىڭ قاۋٸپسٸزدٸگٸن كٷشەيتۋ ٷشٸن مٷددەلٸ مەملەكەتتٸك ورگاندارمەن بٸرلەسٸپ 59 تارماقتان تۇراتىن ارنايى مەدياجوسپار ەزٸرلەگەن.
جوسپار اياسىندا 30 بەينەروليك دايىندالىپ, ولار رەسپۋبليكالىق تەلەارنالار ەفيرٸندە 50 رەتتەن استام كٶرسەتٸلگەن. كەيٸن روليكتەر قوعامدىق ورىنداردا تاراتۋ ٷشٸن ٶڭٸرلەرگە جٸبەرٸلگەن.
سونىمەن قاتار جازعى ماۋسىمدا قازاقستاندىق تەلەارنالاردا بالالارعا ارنالعان 9 جاڭا جوبا ٸسكە قوسىلادى. ولار تسيفرلىق جەنە قارجىلىق ساۋاتتىلىقتى دامىتۋعا, ۇلتتىق مەدەنيەت پەن سپورتتى ناسيحاتتاۋعا باعىتتالعان.
مينيسترلٸك مەلٸمەتٸنشە, جازعى ناۋقان اياسىندا:
– مۇراجايلار مەن تەاترلاردا 1,5 مىڭنان استام مەدەني-اعارتۋ ٸس-شاراسى ٶتەدٸ;
– بۋراباي اۋدانىندا العاشقى رەسپۋبليكالىق شىعارماشىلىق لاگەر اشىلادى;
– «جاسىل ەل» جاساقتارىنا 34 مىڭنان استام جاس ۋاقىتشا جۇمىسقا ورنالاستىرىلادى.
بۇدان بٶلەك, ينتەرنەت كەڭٸستٸگٸن باقىلاۋ جۇمىستارى كٷشەيتٸلگەن.
«بالالاردى قۇقىققا قارسى اقپاراتتان قورعاۋ ماقساتىندا زاڭسىز اقپارات ورنالاستىرىلعان 6 863 ينتەرنەت-رەسۋرسقا شەكتەۋ قويىلدى. سونداي-اق ەلەۋمەتتٸك جەلٸ ەكٸمشٸلٸكتەرٸنە 869 پابليكتٸ بۇعاتتاۋ ٷشٸن 20 مىڭنان استام ماتەريال جولداندى», – دەدٸ قانات ىسقاقوۆ.
وسىلايشا, بيلٸك بالالارعا ارنالعان قاۋٸپتٸ كونتەنتتٸ شەكتەۋمەن قاتار, جازعى دەمالىس كەزٸندە اقپاراتتىق قاۋٸپسٸزدٸك پەن پايدالى كونتەنت كٶلەمٸن ارتتىرۋدى كٶزدەپ وتىر.
