ۇلىبريتانييا قورعانىس مينيسترٸ دجون حيلي وتىرعان كورولدٸك ەۋە كٷشتەرٸنٸڭ ۇشاعى رەسەي شەكاراسىنا جاقىن ماڭدا GPS سيگنالىنان ايىرىلعان. وسىعان بايلانىستى ەكيپاج ٷش ساعاتتىق ۇشۋ كەزٸندە باسقا ناۆيگاتسييالىق جٷيەنٸ پايدالانۋعا مەجبٷر بولعان, دەپ حابارلايدى dalanews.kz.
بريتاندىق Press Association اگەنتتٸگٸنٸڭ حابارلاۋىنشا, وقيعا ٶتكەن اپتادا دجون حيلي ەستونيياداعى بريتان ەسكەريلەرٸمەن كەزدەسۋدەن كەيٸن ەلگە قايتىپ بارا جاتقان كەزدە بولعان. بۇل تۋرالى العاشقىلاردىڭ بٸرٸ بولىپ The Times باسىلىمى جازدى.
اقپاراتقا سەيكەس, ۇشاقتىڭ GPS سيگنالى رەسەي شەكاراسىنا جاقىن جەردە بۇعاتتالعان بولۋى مٷمكٸن. بريتاندىق باق بۇل جاعدايدىڭ ارتىندا رەسەي تۇرۋى ىقتيمال ەكەنٸن جازىپ جاتىر. الايدا رەسەي بيلٸگٸ ەزٸرگە بۇل مەلٸمەتتەرگە قاتىستى رەسمي تٷسٸنٸكتەمە بەرگەن جوق.
حابارلانعانداي, GPS جٷيەسٸ ۇشۋ بويى قولجەتٸمسٸز بولعاندىقتان, ۇشقىشتار باسقا ناۆيگاتسييالىق جٷيەگە سٷيەنگەن. دەگەنمەن بريتانييا قورعانىس مينيسترٸنٸڭ دەل وسى ەرەكەتتٸڭ نىساناسى بولعان-بولماعانى بەلگٸسٸز. The Times دەرەگٸنشە, ۇشاقتىڭ باعىتى ەۋە كەمەلەرٸن باقىلاۋعا ارنالعان سايتتاردا كٶرٸنٸپ تۇرعان.
بورتتا مينيستردەن بٶلەك فوتوگرافتار مەن جۋرناليست تە بولعان. جولاۋشىلارعا Dassault Falcon 900LX ۇشاعىنىڭ قاۋٸپسٸزدٸگٸنە ەشقانداي قاۋٸپ تٶنبەگەنٸ ايتىلعان.
ۇلىبريتانييا قورعانىس مينيسترلٸگٸندەگٸ اتى-جٶنٸن اتاماعان دەرەككٶز بۇل جاعدايدى "رەسەي تاراپىنان جاسالعان ابايسىز ارالاسۋ" دەپ باعالاعان. ونىڭ سٶزٸنشە, بريتاندىق ەۋە كٷشتەرٸ مۇنداي ەرەكەتتەرگە قارسى تۇرۋعا جاقسى دايىندالعان.
