Túrkistan oblysynda dala jumystary qarqyndy júrip jatyr. Túrkistan oblysy ákimi Darhan Satybaldynyń tapsyrmasymen diqandarǵa kómek berý sharalary qolǵa alynǵan, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Óńirdegi «Ońtústik» aimaqtyq investitsiialyq ortalyǵy men «Yrys» mikroqarjy uiymy tarapynan da sharýalarǵa qoldaý kórsetilýde. Búgin oblys ákiminiń orynbasary Ermek Kenjehanulynyń tóraǵalyǵymen ótken jiynda atalǵan qarjy uiymdary basshylarynyń esebi tyńdaldy.
«Ońtústik» AIO JShS-niń basqarma tóraǵasy Baqbai Ábildabektiń aitýynsha, 2023 jyly 8593 mln. teńgege 846 joba qarjylandyrylǵan. Onyń ishinde «Agrarlyq nesie korporatsiiasy» AQ arqyly tartylǵan 6165 mln. teńgege 802 joba júzege asqan. «Keń dala» baǵdarlamasy boiynsha kóktemgi egis jáne egin jinaý jumystaryna qoldaý kórsetilgen. 1100 jumys orny qurylǵan.
«Yrys» mikroqarjy uiymynyń basshysy Muhit Myńbaev byltyr 5892 mln. teńgege 883 joba qarjylandyrylǵanyn málimdedi. 2024 jyldyń I toqsanynda kóktemgi egin egý jáne jinaý jumystaryn júrgizý jáne aýyl sharýashylyq sýbektilerin qarjylandyrý jumystary júrgizilgen. «Agrarlyq nesie korporatsiiasy» AQ-nyń ««AgroBiznes» baǵdarlamasy boiynsha 124 joba, «Keń dala» baǵdarlamasy boiynsha 302 joba, jalpy 426 joba qarjylandyryp, bólingen qarajat tolyq igerilgen.
Jiynda alǵan qarjyny ýaqtyly qaitarmai júrgen tulǵalardyń máseleleri de sóz boldy. Oblys ákiminiń orynbasary qarjy uiymdarynyń basshylaryna sharýalarmen belsendi jumys júrgizip, kómektesýdi tapsyrdy. Jobalardy ýaqtyly júzege asyryp, súiemeldeý mańyzdy ekenin jetkizdi. Aýdan, qala ákimderine sý únemdeý tehnologiialaryna basymdyq berý jóninde tapsyrma berdi. Sonymen birge jeńildetilgen janar-jaǵarmaiǵa tapsyrys berý jumystaryn jandandyrýdy júktedi.
