تۇركىستان وبلىسىندا دالا جۇمىستارى قارقىندى ءجۇرىپ جاتىر. تۇركىستان وبلىسى اكىمى دارحان ساتىبالدىنىڭ تاپسىرماسىمەن ديقاندارعا كومەك بەرۋ شارالارى قولعا الىنعان، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

وڭىردەگى «وڭتۇستىك» ايماقتىق ينۆەستيسيالىق ورتالىعى مەن «ىرىس» ميكروقارجى ۇيىمى تاراپىنان دا شارۋالارعا قولداۋ كورسەتىلۋدە. بۇگىن وبلىس اكىمىنىڭ ورىنباسارى ەرمەك كەنجەحان ۇلىنىڭ توراعالىعىمەن وتكەن جيىندا اتالعان قارجى ۇيىمدارى باسشىلارىنىڭ ەسەبى تىڭدالدى.

«وڭتۇستىك» ايو ءجشس-نىڭ باسقارما ءتوراعاسى باقباي ابىلدابەكتىڭ ايتۋىنشا، 2023 جىلى 8593 ملن. تەڭگەگە 846 جوبا قارجىلاندىرىلعان. ونىڭ ىشىندە «اگرارلىق نەسيە كورپوراسياسى» اق ارقىلى تارتىلعان 6165 ملن. تەڭگەگە 802 جوبا جۇزەگە اسقان. «كەڭ دالا» باعدارلاماسى بويىنشا كوكتەمگى ەگىس جانە ەگىن جيناۋ جۇمىستارىنا قولداۋ كورسەتىلگەن. 1100 جۇمىس ورنى قۇرىلعان. 

«ىرىس» ميكروقارجى ۇيىمىنىڭ باسشىسى مۇحيت مىڭبايەۆ بىلتىر 5892 ملن. تەڭگەگە 883 جوبا قارجىلاندىرىلعانىن مالىمدەدى. 2024 جىلدىڭ ءى توقسانىندا كوكتەمگى ەگىن ەگۋ جانە جيناۋ جۇمىستارىن جۇرگىزۋ جانە اۋىل شارۋاشىلىق سۋبەكتىلەرىن قارجىلاندىرۋ جۇمىستارى جۇرگىزىلگەن. «اگرارلىق نەسيە كورپوراسياسى» اق-نىڭ ««اگروبيزنەس» باعدارلاماسى بويىنشا 124 جوبا، «كەڭ دالا» باعدارلاماسى بويىنشا 302 جوبا، جالپى 426 جوبا قارجىلاندىرىپ، بولىنگەن قاراجات تولىق يگەرىلگەن.

جيىندا العان قارجىنى ۋاقتىلى قايتارماي جۇرگەن تۇلعالاردىڭ ماسەلەلەرى دە ءسوز بولدى. وبلىس اكىمىنىڭ ورىنباسارى قارجى ۇيىمدارىنىڭ باسشىلارىنا شارۋالارمەن بەلسەندى جۇمىس جۇرگىزىپ، كومەكتەسۋدى تاپسىردى. جوبالاردى ۋاقتىلى جۇزەگە اسىرىپ، سۇيەمەلدەۋ ماڭىزدى ەكەنىن جەتكىزدى. اۋدان، قالا اكىمدەرىنە سۋ ۇنەمدەۋ تەحنولوگيالارىنا باسىمدىق بەرۋ جونىندە تاپسىرما بەردى. سونىمەن بىرگە جەڭىلدەتىلگەن جانار-جاعارمايعا تاپسىرىس بەرۋ جۇمىستارىن جانداندىرۋدى جۇكتەدى.