Sońǵy kezderi elimizde erekshe kóńil bólinip, memlekettik deńgeıde qamqorlyqtar kórsetilip kele jatqan ulttyq oıynymyzdy dáripteý maqsatynda Shymkent qalasynda ótken 2007-2009 jyly týylǵan jasóspirimder arasyndaǵy XII Qazaqstan Respýblıkasynyń chempıonatynda Túrkistan quramasynyń mereıi ústem bolyp, chempıon atandy,  dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap. 

Oblysymyzdyń taqymy men bilegi myqty jigitterinen qurylǵan 14 komanda qatysqan baıraqty básekeniń aqtyq synynda Shymkent quramasymen kúsh synasqan Túrkistan quramasy 5:3 esebimen jeńiske jetti.

Aıta keteıik, jeńiske jetkizgen 5 salymnyń 3-in «Jetisaı ulttyq sport klýbynyń»múshesi, jas shabandoz, atalmysh chempıonattyń «Úzdik shabýylshysy»atanǵan Erbolat Aıtýǵan saldy.

V dúnıejúzilik kóshpendiler oıynynda kókpardan jeńispen oralǵan Qazaqstan ulttyq quramasynyń múshesi, jerlesimiz Abylaıhan Nyshanbekovpen qatar Ortalyq Azıa halyqtary arasynda keń taraǵan oıyn túrimen búginde aýdanda 2 myńǵa jýyq azamat shuǵyldanady.