سوڭعى كەزدەرى ەلىمىزدە ەرەكشە كوڭىل ءبولىنىپ، مەملەكەتتىك دەڭگەيدە قامقورلىقتار كورسەتىلىپ كەلە جاتقان ۇلتتىق ويىنىمىزدى دارىپتەۋ ماقساتىندا شىمكەنت قالاسىندا وتكەن 2007-2009 جىلى تۋىلعان جاسوسپىرىمدەر اراسىنداعى XII قازاقستان رەسپۋبليكاسىنىڭ چەمپيوناتىندا تۇركىستان قۇراماسىنىڭ مەرەيى ۇستەم بولىپ، چەمپيون اتاندى،  دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ. 

وبلىسىمىزدىڭ تاقىمى مەن بىلەگى مىقتى جىگىتتەرىنەن قۇرىلعان 14 كوماندا قاتىسقان بايراقتى باسەكەنىڭ اقتىق سىنىندا شىمكەنت قۇراماسىمەن كۇش سىناسقان تۇركىستان قۇراماسى 5:3 ەسەبىمەن جەڭىسكە جەتتى.

ايتا كەتەيىك، جەڭىسكە جەتكىزگەن 5 سالىمنىڭ 3ء-ىن «جەتىساي ۇلتتىق سپورت كلۋبىنىڭ»مۇشەسى، جاس شاباندوز، اتالمىش چەمپيوناتتىڭ «ۇزدىك شابۋىلشىسى»اتانعان ەربولات ايتۋعان سالدى.

V دۇنيەجۇزىلىك كوشپەندىلەر ويىنىندا كوكپاردان جەڭىسپەن ورالعان قازاقستان ۇلتتىق قۇراماسىنىڭ مۇشەسى، جەرلەسىمىز ابىلايحان نىشانبەكوۆپەن قاتار ورتالىق ازيا حالىقتارى اراسىندا كەڭ تاراعان ويىن تۇرىمەن بۇگىندە اۋداندا 2 مىڭعا جۋىق ازامات شۇعىلدانادى.