Túrkistan oblysy, Jetisai aýdanynda jańa qoǵamdyq kólikter el igiligine berildi, - dep habarlaidy Dalanews.kz
Maqsat – zańsyz jolaýshylar tasymalyna tosqaýyl qoiý, jol júrý erejelerin saqtaý, taksi turaqjailardy retteý, aýdanishilik jáne aýdanaralyq, qalaaralyq baǵyttarda jolaýshy tasymalymen ainalysatyn qoǵamdyq kólikter men jeke taksi júrgizýshileriniń kólikteriniń tehnikalyq qaýipsizdigi, jol júrý erejelerin qatań saqtap, jolaýshylardyń qaýipsizdigin saqtaý. Osy baǵytta Jetisai aýdanynyń ákimi Serik Mamytovtyń tapsyrmasyna sáikes búgin zamanaýi 14 shaǵyn avtobýstyń kilti tabystaldy.
Aýdan aýmaǵynda jolaýshylardy tasymaldaýmen ainalysatyn «SAR avto» JShS arnaiy memlekettik baǵdarlama arqyly eldi meken turǵyndarynyń aýdan ortalyǵyna qatynaýyn ońtailandyrý maqsatynda 10 baǵyt boiynsha qoǵamdyq kólikter sanyn arttyryp otyr.
El Úkimetiniń 2021 jylǵy 2 qyrkúiektegi №604 qaýlysyna sáikes, «Ónerkásipti damytý qory» aktsionerlik qoǵamynyń jeńildetilgen lizingtik qarjylandyrýy arqyly alynǵan otandyq kólikter zamanaýi talaptarǵa sai jabdyqtalǵan, jolaýshylardyń talaptaryn tolyqtai qanaǵattandyra alady. Muzdatqysh jáne jeldetkish júielerimen, yńǵaily oryndyqtarmen jáne qaýipsizdik belbeýlerimen qamtamasyz etilgen.
