تۇركىستان وبلىسى، جەتىساي اۋدانىندا جاڭا قوعامدىق كولىكتەر ەل يگىلىگىنە بەرىلدى، - دەپ حابارلايدى Dalanews.kz
ماقسات – زاڭسىز جولاۋشىلار تاسىمالىنا توسقاۋىل قويۋ، جول ءجۇرۋ ەرەجەلەرىن ساقتاۋ، تاكسي تۇراقجايلاردى رەتتەۋ، اۋدانىشىلىك جانە اۋدانارالىق، قالاارالىق باعىتتاردا جولاۋشى تاسىمالىمەن اينالىساتىن قوعامدىق كولىكتەر مەن جەكە تاكسي جۇرگىزۋشىلەرىنىڭ كولىكتەرىنىڭ تەحنيكالىق قاۋىپسىزدىگى، جول ءجۇرۋ ەرەجەلەرىن قاتاڭ ساقتاپ، جولاۋشىلاردىڭ قاۋىپسىزدىگىن ساقتاۋ. وسى باعىتتا جەتىساي اۋدانىنىڭ اكىمى سەرىك مامىتوۆتىڭ تاپسىرماسىنا سايكەس بۇگىن زاماناۋي 14 شاعىن اۆتوبۋستىڭ كىلتى تابىستالدى.
اۋدان اۋماعىندا جولاۋشىلاردى تاسىمالداۋمەن اينالىساتىن «SAR avto» ج ش س ارنايى مەملەكەتتىك باعدارلاما ارقىلى ەلدى مەكەن تۇرعىندارىنىڭ اۋدان ورتالىعىنا قاتىناۋىن وڭتايلاندىرۋ ماقساتىندا 10 باعىت بويىنشا قوعامدىق كولىكتەر سانىن ارتتىرىپ وتىر.
ەل ۇكىمەتىنىڭ 2021 جىلعى 2 قىركۇيەكتەگى №604 قاۋلىسىنا سايكەس، «ونەركاسىپتى دامىتۋ قورى» اكسيونەرلىك قوعامىنىڭ جەڭىلدەتىلگەن ليزينگتىك قارجىلاندىرۋى ارقىلى الىنعان وتاندىق كولىكتەر زاماناۋي تالاپتارعا ساي جابدىقتالعان، جولاۋشىلاردىڭ تالاپتارىن تولىقتاي قاناعاتتاندىرا الادى. مۇزداتقىش جانە جەلدەتكىش جۇيەلەرىمەن، ىڭعايلى ورىندىقتارمەن جانە قاۋىپسىزدىك بەلبەۋلەرىمەن قامتاماسىز ەتىلگەن.
