«Beineý-Shymkent» magistraldy gazótkizgishiniń 1285 shaqyrymyndaǵy stantsiia Eski Iqan aýyl okrýgindegi 7 eldi mekendi gazben qamtidy.
AGTS-tiń jalpy quny – 1248,8 mln teńge, qýattylyǵy – 33 000 m3/saǵatyna, jalpy uzyndyǵy – 11,546 shaqyrym.
Túrkistan oblysynyń energetika jáne turǵyn úi-kommýnaldyq sharýashylyq basqarmasy basshysynyń orynbasary Roza Sarievanyń aitýynsha, óńirde gazben qamtý jumysy qarqyndy.
– «Eski Iqan» avtomattandyrylǵan gaz taratý stantsiiasy arqyly Saýran aýdanyndaǵy 7 eldi meken gazben qamtylyp otyr. Jalpy 55 myń turǵyn «kógildir otynnyń» igiligin kóredi. Endi turǵyndar zańǵa sáikes, úilerine gazdy kirgizip alýlary kerek. Budan bólek Maqtaaral aýdanyndaǵy AGTS qýatyn molaittyq. Qazyǵurt aýdanynda da bir AGTS paidalanýǵa berýge daiyn tur. Eldiń ómir sapasyn jaqsartý baǵytyndaǵy jumystar jalǵasady, – dedi ol.
«Eski Iqan» AGTS arqyly Saýran aýdanyndaǵy Eski Iqan, Shaǵa, Qazaqstannyń 30 jyldyǵy, Oiyq, Shoqtas, Ibata, Bershintóbe eldi mekenderi tabiǵi gazǵa qosylady. Sonymen birge Túrkistan qalasynda ornalasqan «Hazret Sultan International Airport» áýejaiy da gazben qamtylady.
