«بەينەۋ-شىمكەنت» ماگيسترالدى گازٶتكٸزگٸشٸنٸڭ 1285 شاقىرىمىنداعى ستانتسييا ەسكٸ يقان اۋىل وكرۋگٸندەگٸ 7 ەلدٸ مەكەندٸ گازبەن قامتيدى.
اگتس-تٸڭ جالپى قۇنى – 1248,8 ملن تەڭگە, قۋاتتىلىعى – 33 000 م3/ساعاتىنا, جالپى ۇزىندىعى – 11,546 شاقىرىم.
تٷركٸستان وبلىسىنىڭ ەنەرگەتيكا جەنە تۇرعىن ٷي-كوممۋنالدىق شارۋاشىلىق باسقارماسى باسشىسىنىڭ ورىنباسارى روزا ساريەۆانىڭ ايتۋىنشا, ٶڭٸردە گازبەن قامتۋ جۇمىسى قارقىندى.
– «ەسكٸ يقان» اۆتوماتتاندىرىلعان گاز تاراتۋ ستانتسيياسى ارقىلى ساۋران اۋدانىنداعى 7 ەلدٸ مەكەن گازبەن قامتىلىپ وتىر. جالپى 55 مىڭ تۇرعىن «كٶگٸلدٸر وتىننىڭ» يگٸلٸگٸن كٶرەدٸ. ەندٸ تۇرعىندار زاڭعا سەيكەس, ٷيلەرٸنە گازدى كٸرگٸزٸپ الۋلارى كەرەك. بۇدان بٶلەك ماقتاارال اۋدانىنداعى اگتس قۋاتىن مولايتتىق. قازىعۇرت اۋدانىندا دا بٸر اگتس پايدالانۋعا بەرۋگە دايىن تۇر. ەلدٸڭ ٶمٸر ساپاسىن جاقسارتۋ باعىتىنداعى جۇمىستار جالعاسادى, – دەدٸ ول.
«ەسكٸ يقان» اگتس ارقىلى ساۋران اۋدانىنداعى ەسكٸ يقان, شاعا, قازاقستاننىڭ 30 جىلدىعى, ويىق, شوقتاس, يباتا, بەرشٸنتٶبە ەلدٸ مەكەندەرٸ تابيعي گازعا قوسىلادى. سونىمەن بٸرگە تٷركٸستان قالاسىندا ورنالاسقان «Hazret Sultan International Airport» ەۋەجايى دا گازبەن قامتىلادى.
