«Jas Keñes Sıylığı» - QR Prezıdenti janyndaǵy Jastar saıasaty jónindegi keńestiń bastamasymen qurylǵan táýelsiz jastar syılyǵy. Bul syılyq - elimizdiń ekonomıkasy men qoǵamdyq ómiriniń negizgi salalarynda ózin tanyta bilgen jas mamandarǵa tabystalady. Bul týraly ótken brıfıńte QR Prezıdentiniń janyndaǵy Jastar saıasaty jónindegi keńestiń múshesi Ozoda Mannopova málimdedi,- dep habarlaıdy Dalanews.kz

«Ótken jylmen salystyrǵanda bıylǵy jyly jas ǵalymdar, joǵary oqý oryndarynyń oqytýshylary men dárigerler, aqparattyq-kommýnıkasıalyq tehnologıalar, kreatıvti ındýstrıalar jáne atom ónerkásibi salasynyń ókilderi sıaqty jańa mamandyqtar engizildi.

Bıylǵy jyly 10 nomınasıa boıynsha úzdikter anyqtalady. Atap aıtqanda, ishki ister jáne qarýly kúshter salasynda - «Janqıarlyq», medısına salasynda - «Altyn jürek», ónerkásip salasy boıynsha - «Önerkäsıp», áleýmettik qyzmetkerler men eriktiler úshin - «Bolaşaq turaly qamqorlyq», bilim salasynyń qyzmetkerlerine - «Bılım jäne Ğylym», tótenshe jaǵdaı qyzmetkerleri úshin - «Qaisar», jumysshy mamandyqtar úshin - «Altyn qol», energetıka salasynyń mamandaryna - «Zharyq», agroónerkásip salasyndaǵy azamattar úshin - «Örken», aqparattyq komýnıkasıalyq tehnologıa salasyndaǵy mamandar úshin - «Örleu» nomınasıalary óz ıelerine tabystalatyn bolady», - dep baıandady sala mamany.

Sondaı-aq baspasóz jıynynda Qoǵamdyq damý basqarmasy basshysynyń orynbasary Nursultan Maratuly baıqaýdyń erejeleri týraly baıandady.

«Syılyqqa úmitker bolý úshin elimizdiń 35 jasqa tolmaǵan (35 jas qospaı alǵanda) azamattary qatysa alady. Baıqaýǵa qatysýǵa ótinimdi 2025 jyldyń 20 shildesine deıin https://www.jas-kenes.kz/application siltemesi arqyly berýge bolady. Konkýrstyq irikteý 3 kezeńnen turady. Onyń qorytyndysy boıynsha ár nomınasıada 2 jeńimpazdan, barlyǵy 20 jeńimpaz anyqtalady. Baıqaýdyń jalpy júlde qory – 20 mıllıon teńge, ár jeńimpazǵa 1 mıllıon teńgeden beriledi. Syılyq pen keńestiń qyzmeti týraly tolyq aqparatty https://www.jas-kenes.kz/ saıtynan bile alasyzdar»,- dedi spıker.