«Jas Keñes Sıylığı» - ق ر پرەزيدەنتى جانىنداعى جاستار ساياساتى جونىندەگى كەڭەستىڭ باستاماسىمەن قۇرىلعان تاۋەلسىز جاستار سىيلىعى. بۇل سىيلىق - ەلىمىزدىڭ ەكونوميكاسى مەن قوعامدىق ءومىرىنىڭ نەگىزگى سالالارىندا ءوزىن تانىتا بىلگەن جاس ماماندارعا تابىستالادى. بۇل تۋرالى وتكەن بريفينگتە ق ر پرەزيدەنتىنىڭ جانىنداعى جاستار ساياساتى جونىندەگى كەڭەستىڭ مۇشەسى وزودا ماننوپوۆا مالىمدەدى،- دەپ حابارلايدى Dalanews.kz
«وتكەن جىلمەن سالىستىرعاندا بيىلعى جىلى جاس عالىمدار، جوعارى وقۋ ورىندارىنىڭ وقىتۋشىلارى مەن دارىگەرلەر، اقپاراتتىق-كوممۋنيكاسيالىق تەحنولوگيالار، كرەاتيۆتى يندۋستريالار جانە اتوم ونەركاسىبى سالاسىنىڭ وكىلدەرى سياقتى جاڭا ماماندىقتار ەنگىزىلدى.
بيىلعى جىلى 10 نوميناسيا بويىنشا ۇزدىكتەر انىقتالادى. اتاپ ايتقاندا، ىشكى ىستەر جانە قارۋلى كۇشتەر سالاسىندا - «Janqıarlyq»، مەديسينا سالاسىندا - «Altyn jürek»، ونەركاسىپ سالاسى بويىنشا - «Önerkäsıp»، الەۋمەتتىك قىزمەتكەرلەر مەن ەرىكتىلەر ءۇشىن - «Bolaşaq turaly qamqorlyq»، ءبىلىم سالاسىنىڭ قىزمەتكەرلەرىنە - «Bılım jäne Ğylym»، توتەنشە جاعداي قىزمەتكەرلەرى ءۇشىن - «Qaisar»، جۇمىسشى ماماندىقتار ءۇشىن - «Altyn qol»، ەنەرگەتيكا سالاسىنىڭ ماماندارىنا - «Zharyq»، اگروونەركاسىپ سالاسىنداعى ازاماتتار ءۇشىن - «Örken»، اقپاراتتىق كوممۋنيكاسيالىق تەحنولوگيا سالاسىنداعى ماماندار ءۇشىن - «Örleu» نوميناسيالارى ءوز يەلەرىنە تابىستالاتىن بولادى»، - دەپ باياندادى سالا مامانى.
سونداي-اق باسپا ءسوز جيىنىندا قوعامدىق دامۋ باسقارماسى باسشىسىنىڭ ورىنباسارى نۇرسۇلتان مارات ۇلى بايقاۋدىڭ ەرەجەلەرى تۋرالى باياندادى.
«سىيلىققا ۇمىتكەر بولۋ ءۇشىن ەلىمىزدىڭ 35 جاسقا تولماعان (35 جاس قوسپاي العاندا) ازاماتتارى قاتىسا الادى. بايقاۋعا قاتىسۋعا ءوتىنىمدى 2025 جىلدىڭ 20 شىلدەسىنە دەيىن https://www.jas-kenes.kz/application سىلتەمەسى ارقىلى بەرۋگە بولادى. كونكۋرستىق ىرىكتەۋ 3 كەزەڭنەن تۇرادى. ونىڭ قورىتىندىسى بويىنشا ءار نوميناسيادا 2 جەڭىمپازدان، بارلىعى 20 جەڭىمپاز انىقتالادى. بايقاۋدىڭ جالپى جۇلدە قورى – 20 ميلليون تەڭگە، ءار جەڭىمپازعا 1 ميلليون تەڭگەدەن بەرىلەدى. سىيلىق پەن كەڭەستىڭ قىزمەتى تۋرالى تولىق اقپاراتتى https://www.jas-kenes.kz/ سايتىنان بىلە الاسىزدار»،- دەدى سپيكەر.
