«Túrkistan – jańa qala» turǵyn úi alabynyń irgetasy qalandy
Búgin Túrkistan oblysynyń ortalyǵy – Túrkistan qalasynda oblys ákimi Janseiit Túimebaevtyń qatysýymen jańa ákimshilik-iskerlik ortalyqta ornalasqan «Túrkistan – jańa qala» turǵyn úi alabynyń qazyǵyn qaǵyp, irgetasyn qalaý rásimi ótti.
"Qadirli túrkistandyqtar! Elbasy Jarlyǵymen oblys ortalyǵy kóne Túrkistanǵa aýysqaly úlken ózgeristerge bet burdyq. Qazirgi tańda Túrkistan qalasyn damytý boiynsha iri jobalar qolǵa alynýda. Solardyń kezektisi – 88 úidiń qurylysy. Búgin «Túrkistan» áleýmettik kásipkerlik korporatsiiasy men jeke investitsiia esebinen boi kóteretin turǵyn úilerdiń qurylys jumystaryna bastaimyz. Munda 2-inshi jáne 3-inshi klasstaǵy 2724 páter bar. Osy baspanalar «Nurly jer» jáne «7-20-25» baǵdarlamasy aiasynda júzege asady. Birer jylda oblys ortalyǵy jańa kelbetke ie bolady. Qurylys jumystaryna otandyq ónimder qoldanady. Turǵyn úidiń sapaly bolatynyna senimdimin. Iske sát!", - dedi oblys ákimi kópqabatty turǵyn úi salýdyń irgetasyn qalaý rásimin ótkizý kezinde.
Aýmaǵy 38 gektar jerge 88 kópqabatty turǵyn úi salynady. Onyń 44 úii 2019 jyly paidalanýǵa berilse, qalǵan 44 úi 2020 jyly el igiligine tapsyrylady. Barlyǵy 4 turǵyn úi kesheni - «Otyrar», «Syrdariia», «Arman» jáne «Saýran». Jalpy 2724 páter, 196285 sharshy metr alańdy alady. Bul qurylystardy júrgizýde «Ońtústik qurylys servis» JShS, «Beren» JShS, «Shymkent qurylys» JShS jáne «NK Building» JShS qatysady.
Shahardaǵy "Otyrar" shaǵyn aýdanynan boi kóteretin nysandar «Nurly jer» memlekettik turǵyn úi baǵdarlamasyn iske asyrý jáne 7-20-25 baǵdarlamasy aiasynda investitsiialaý jobasymen «Túrkistan» áleýmettik - kásipkerlik korporatsiiasy aktsionerlik qoǵamy jáne Túrkistan oblysy men Túrkistan qalasy ákimdiginiń birlesken jumysynyń nátijesinde múmkin bolyp otyr.
Túrkistan oblysy ákiminiń baspasóz qyzmeti
