Táńirdiń syiǵa bergen rizyq-nesibesin terip jep kele jatqan myna jumyr jerdiń betinde qinalǵan janǵa júreginen jylý syilap, janashyrlyq peiilimen kómek qolyn sozyp, shynaiy qamqorlyǵyn naqty ister arqyly jarqyratyp kórsete biletin qazaqtai meiirimdi, qaiyrymdy halyq kóp kezdespesi anyq.
San ǵasyrlar boiy atadan balaǵa jalǵasyp, ozyq úlgi-ónege retinde úzilmei jalǵasyp kele jatqan osyndai izgilikti qasietke toly úrdis Kóksarai aýylynda kórinis tapqanyna kýá boldyq.
Túrkistan oblys ákimi Ó.Shókeevtiń bastamasymen ótip jatqan «Qamqorlyq» baǵdarlamasyna qyzý ún qosqan qaiyrymdy azamattardyń demeýshiligimen satyp alynǵan úilerde arnaiy bolǵan Otyrar aýdan ákimi Á.Júnisov, aýdandyq partiia filialynyń keńesshisi S.Seiilbekter qutty qonysqa qoldary jetip, sheksiz qýanyshqa kenelgen otbasylardy jańa qonystarymen jyly lebizderi arqyly quttyqtap, baǵaly zattai syilyqtaryn tabys etti.
Ózderiniń jeke qarjylarynan qinalmastan 6 million teńge shyǵaryp, aýyldastaryna qýanysh syilaǵan jomart júrekti jandarǵa alǵysyn aitqan ákim olardyń aldaǵy qyzmetterine baq-bereke men tolaǵai tabystar tiledi.
