ءتاڭىردىڭ سىيعا بەرگەن ريزىق-نەسىبەسىن تەرىپ جەپ كەلە جاتقان مىنا جۇمىر جەردىڭ بەتىندە قينالعان جانعا جۇرەگىنەن جىلۋ سىيلاپ، جاناشىرلىق پەيىلىمەن كومەك قولىن سوزىپ، شىنايى قامقورلىعىن ناقتى ىستەر ارقىلى جارقىراتىپ كورسەتە بىلەتىن قازاقتاي مەيىرىمدى، قايىرىمدى حالىق كوپ كەزدەسپەسى انىق.
سان عاسىرلار بويى اتادان بالاعا جالعاسىپ، وزىق ۇلگى-ونەگە رەتىندە ۇزىلمەي جالعاسىپ كەلە جاتقان وسىنداي ىزگىلىكتى قاسيەتكە تولى ءۇردىس كوكساراي اۋىلىندا كورىنىس تاپقانىنا كۋا بولدىق.
تۇركىستان وبلىس اكىمى ءو.شوكەيەۆتىڭ باستاماسىمەن ءوتىپ جاتقان «قامقورلىق» باعدارلاماسىنا قىزۋ ءۇن قوسقان قايىرىمدى ازاماتتاردىڭ دەمەۋشىلىگىمەن ساتىپ الىنعان ۇيلەردە ارنايى بولعان وتىرار اۋدان اكىمى ءا.ءجۇنىسوۆ، اۋداندىق پارتيا فيليالىنىڭ كەڭەسشىسى س.سەيىلبەكتەر قۇتتى قونىسقا قولدارى جەتىپ، شەكسىز قۋانىشقا كەنەلگەن وتباسىلاردى جاڭا قونىستارىمەن جىلى لەبىزدەرى ارقىلى قۇتتىقتاپ، باعالى زاتتاي سىيلىقتارىن تابىس ەتتى.
وزدەرىنىڭ جەكە قارجىلارىنان قينالماستان 6 ميلليون تەڭگە شىعارىپ، اۋىلداستارىنا قۋانىش سىيلاعان جومارت جۇرەكتى جاندارعا العىسىن ايتقان اكىم ولاردىڭ الداعى قىزمەتتەرىنە باق-بەرەكە مەن تولاعاي تابىستار تىلەدى.
