Túrkistan. Diqandar baqshalyq ónimderinen rekord ornatty
Jaqynda Túrkistan oblysy ákimdigi apparatynyń májilisi ótti. Kún tártibinde eki másele qaraldy.
Basqosýda aldymen 2018 jylǵy 8 aidyń qorytyndysy men biýdjettiń atqarylýy jáne 9 aida kútiletin boljam týraly derekter tyndaldy. Bul jóninde oblystyq qarjy basqarmasynyń basshysy A.Tasybaev, oblystyq bilim basqarmasynyń basshysy I.Saǵyndyqov jáne oblystyq aýyl sharýashylyǵy basqarmasy basshysynyń mindetin atqarýshy N.Badyraqov baiandama jasady.
Óńir basshysy J.Túimebaev biýdjetti durys josparlap, qarjyny ýaqtyly ári sapaly oryndaý kerektigin aitty. Atalǵan basqarma basshylary men aýdan, qala ákimderine jumysty shiratýdy tapsyrdy.
Kún tártibindegi ekinshi másele oblystaǵy aýyl sharýashylyǵy salasyndaǵy 8 aidyń qorytyndysyna jáne saladaǵy ózekti túitkilderge arnaldy. Bul jóninde oblystyq aýyl sharýashylyǵy basqarmasy basshysynyń mindetin atqarýshy N.Badyraqov baiandady. Onyń aitýynsha, biyl óńirde egis kólemi 807 myń gektarǵa jetip, ótken jylmen salystyrǵanda (2017 j. – 798,4 myń ga) 9,0 myń gektarǵa artty. Egis qurylymy boiynsha masaqty daqyldar ótken jylǵy kórsetkishten 22,7 myń gektarǵa artyp, 227,4 myń gektarǵa jetken. Al, júgeri 6,6 myń gektarǵa artyp, 43,9 myń gektarǵa, kókónis, kartop, baqsha 7,5 myń gektarǵa artyp, 113,9 myń gektardy quraǵan. Biyl masaqty daqyldardyń ár gektarynan ortasha eseppen 17,8 tsentnerden ónim alynyp, 405,0 myń tonna dán qambaǵa quiyldy. Maily daqyldardyń 80 paiyzy, iaǵni, 54,2 myń tonna ónim jinalǵan. Kókónis, kartop, baqsha daqylynan 2,7 mln. tonna ónim jinalyp, rekordtyq kórsetkishke qol jetkizildi. Aǵymdaǵy jyly 6,9 myń gektarǵa tamshylatyp sýǵarý ádisin engizý tapsyrmasy berilip, 92%-ǵa (6,4 myń gektar) endirildi. Jalpy kólemi – 64,3 myń gektarǵa jetti.
Oblysta mal basy da artqan. Máselen, 8 aida iri qara mal basy 30,6%-ǵa artyp, 998,1 myń basty qurasa, qoi men eshki 4,2%-ǵa artyp, 4459,0 myń basqa jetken. Jylqy 7,9 %-ǵa artyp, 309 myń basty qurasa, túieniń sany 5,7%-ǵa artty. Búginde oblysta 27,5 myń túie bar.
2018 jylǵy qańtar-tamyzda Túrkistan oblysy boiynsha aýyl sharýashylyǵy ónimderiniń jalpy shyǵarylymy 249 998,2 mln. teńgeni qurady. Bul ótken jylǵy tiisti kezeńiniń deńgeiinen 3,4%-ǵa joǵary.
Jiynda oblys ákimi J.Túimebaev aýyl sharýashylyǵyn jetekshi salalardyń biri retinde damytyp, kórsetkishterdi jaqsartý, sharýashylyqpen ainalysatyn azamattarǵa qoldaýdy kúsheitý jóninde tapsyrma berdi.
Túrkistan oblysy ákiminiń baspasóz qyzmeti
