باسقوسۋدا الدىمەن 2018 جىلعى 8 ايدىڭ قورىتىندىسى مەن بيۋدجەتتىڭ اتقارىلۋى جانە 9 ايدا كۇتىلەتىن بولجام تۋرالى دەرەكتەر تىندالدى. بۇل جونىندە وبلىستىق قارجى باسقارماسىنىڭ باسشىسى ا.تاسىبايەۆ، وبلىستىق ءبىلىم باسقارماسىنىڭ باسشىسى ي.ساعىندىقوۆ جانە وبلىستىق اۋىل شارۋاشىلىعى باسقارماسى باسشىسىنىڭ مىندەتىن اتقارۋشى ن.بادىراقوۆ بايانداما جاسادى.
ءوڭىر باسشىسى ج.تۇيمەبايەۆ بيۋدجەتتى دۇرىس جوسپارلاپ، قارجىنى ۋاقتىلى ءارى ساپالى ورىنداۋ كەرەكتىگىن ايتتى. اتالعان باسقارما باسشىلارى مەن اۋدان، قالا اكىمدەرىنە جۇمىستى شيراتۋدى تاپسىردى.
كۇن تارتىبىندەگى ەكىنشى ماسەلە وبلىستاعى اۋىل شارۋاشىلىعى سالاسىنداعى 8 ايدىڭ قورىتىندىسىنا جانە سالاداعى وزەكتى تۇيتكىلدەرگە ارنالدى. بۇل جونىندە وبلىستىق اۋىل شارۋاشىلىعى باسقارماسى باسشىسىنىڭ مىندەتىن اتقارۋشى ن.بادىراقوۆ باياندادى. ونىڭ ايتۋىنشا، بيىل وڭىردە ەگىس كولەمى 807 مىڭ گەكتارعا جەتىپ، وتكەن جىلمەن سالىستىرعاندا (2017 ج. – 798،4 مىڭ گا) 9،0 مىڭ گەكتارعا ارتتى. ەگىس قۇرىلىمى بويىنشا ماساقتى داقىلدار وتكەن جىلعى كورسەتكىشتەن 22،7 مىڭ گەكتارعا ارتىپ، 227،4 مىڭ گەكتارعا جەتكەن. ال، جۇگەرى 6،6 مىڭ گەكتارعا ارتىپ، 43،9 مىڭ گەكتارعا، كوكونىس، كارتوپ، باقشا 7،5 مىڭ گەكتارعا ارتىپ، 113،9 مىڭ گەكتاردى قۇراعان. بيىل ماساقتى داقىلداردىڭ ءار گەكتارىنان ورتاشا ەسەپپەن 17،8 سەنتنەردەن ءونىم الىنىپ، 405،0 مىڭ توننا ءدان قامباعا قۇيىلدى. مايلى داقىلداردىڭ 80 پايىزى، ياعني، 54،2 مىڭ توننا ءونىم جينالعان. كوكونىس، كارتوپ، باقشا داقىلىنان 2،7 ملن. توننا ءونىم جينالىپ، رەكوردتىق كورسەتكىشكە قول جەتكىزىلدى. اعىمداعى جىلى 6،9 مىڭ گەكتارعا تامشىلاتىپ سۋعارۋ ءادىسىن ەنگىزۋ تاپسىرماسى بەرىلىپ، 92%-عا (6،4 مىڭ گەكتار) ەندىرىلدى. جالپى كولەمى – 64،3 مىڭ گەكتارعا جەتتى.
وبلىستا مال باسى دا ارتقان. ماسەلەن، 8 ايدا ءىرى قارا مال باسى 30،6%-عا ارتىپ، 998،1 مىڭ باستى قۇراسا، قوي مەن ەشكى 4،2%-عا ارتىپ، 4459،0 مىڭ باسقا جەتكەن. جىلقى 7،9 %-عا ارتىپ، 309 مىڭ باستى قۇراسا، تۇيەنىڭ سانى 5،7%-عا ارتتى. بۇگىندە وبلىستا 27،5 مىڭ تۇيە بار.
2018 جىلعى قاڭتار-تامىزدا تۇركىستان وبلىسى بويىنشا اۋىل شارۋاشىلىعى ونىمدەرىنىڭ جالپى شىعارىلىمى 249 998،2 ملن. تەڭگەنى قۇرادى. بۇل وتكەن جىلعى ءتيىستى كەزەڭىنىڭ دەڭگەيىنەن 3،4%-عا جوعارى.
جيىندا وبلىس اكىمى ج.تۇيمەبايەۆ اۋىل شارۋاشىلىعىن جەتەكشى سالالاردىڭ ءبىرى رەتىندە دامىتىپ، كورسەتكىشتەردى جاقسارتۋ، شارۋاشىلىقپەن اينالىساتىن ازاماتتارعا قولداۋدى كۇشەيتۋ جونىندە تاپسىرما بەردى.
تۇركىستان وبلىسى اكىمىنىڭ باسپا ءسوز قىزمەتى
