Memleket basshysy Qasym-Jomart Toqaevtyń «QR aýyldyq aimaqtaryn damytýdyń 2023-2027 jyldarǵa arnalǵan tujyrymdamasy týraly» Jarlyǵy negizinde aýyl turǵyndarynyń ál-aýqatyn jaqsartýǵa, problemalaryn jedel sheshýge, aýyldardyń ekonomikasyn kóterýge múmkindik berý maqsatynda «Aýyl amanaty» jobasy qolǵa alynǵan bolatyn, – dep habarlaidy Dalanews.kz.
Túrkistan oblysynda atalǵan baǵdarlama aiasynda aýqymdy jumystar atqaryldy. Ótken jyly atqarylǵan jumystardyń qorytyndysy jáne biylǵa qoiylatyn talaptar men ózgerister jaiynda oblys ákiminiń orynbasary Ermek Kenjehanulynyń tóraǵalyǵymen ótken jiynda keńinen talqylandy. Jiynǵa oblystyq jumyspen qamtýdy úilestirý jáne áleýmettik baǵdarlamalar basqarmasynyń basshysy Ásiia Temirbaeva, aýyl sharýashylyǵy basqarmasynyń qyzmetkerleri, aýdan, qala ákimniń orynbasarlary men aýyl sharýashylyǵy bólimniń basshylary, jobaǵa qatysatyn aýyldyq okrýgterdiń ákimderi, Mansap ortalyqtarynyń bólim basshylary, «Túrkistan ÁKK» AQ jáne «Yrys MQU» ókilderi qatysty.
Túrkistan oblysy ákiminiń orynbasary Ermek Kenjehanuly «Aýyl amanaty» jobasynyń aýyldarda júzege asyrý nátijelerine toqtalyp, júktelgen mindetterdi tiisti deńgeide oryndamaǵan aýyl ákimderin synǵa aldy. Biyl nesie alýshylarǵa qoiylatyn talaptarǵa toqtalyp, tiimdi usynystar aitty.
– Ótken jyly júieli jumystar júrgizildi. Degenmen, kemshilikter de bar. Nesie alýshylarǵa da talaptar kóp bolmady. Osy jyly eń basty kórsetkish – jańa jumys oryndaryn ashý. Aýyldarda tek mal sharýashylyǵyn ǵana emes, balyq jáne qus sharýashylyqtaryn damytý kerek. Baǵdarlamamen bir aýdannan tórt aýyl qarjylandyrylsa, 4 túrli ónim óndirýdi qolǵa alǵan jón. Ár aýyl óz múmkindigi men beiimdiligine qarai baǵyt tańdasyn. Aýyl ákimderi, uiymdastyrý jáne túsindirý jumystaryn durys júrgizińizder. Merziminen keshikken aýyldarǵa qarjy bólinbeidi. Ótken jylǵy oryn alǵan kemshilikter qaitalanbasyn, – dedi oblys ákiminiń orynbasary.
Túrkistan oblysynda ótken jyly oblystyq aýyl sharýashylyǵy basqarmasynyń uiymdastyrýymen «Túrkistan áleýmettik-kásipkerlik korporatsiiasy» AQ men «Yrys» mikroqarjy uiymy» JShS birlesip, atalǵan baǵdarlamany iske asyrý jumystaryn júzege asyrdy. Byltyr respýblikalyq biýdjetten Túrkistan oblysyna baǵdarlama aiasynda 19,7 mlrd teńge qarjy bólindi. Bólingen qarjyǵa 3220 nesie alýshyny qarjylandyryp, 3413 jańa jumys ornyn ashý mindetteldi. 2023 jyldyń sońyna deiin atalǵan qarajat tolyq igerilip, 3 215 sońǵy nesie alýshy qarjylandyryldy. Nátijesinde 3517 jańa jumys orny ashyldy. Iaǵni, belgilengen jospar 103 paiyzǵa oryndalǵan.
Baǵdarlama aiasynda úlestirilgen qarjynyń maqsatty jumsalýyn tekserý maqsatynda «Yrys» MQU» JShS monitoring bóliminiń menedjerleri monitoring jumystaryn júrgizdi. Birqatar kemshilikter anyqtalyp, nesie qarajatyn maqsatty jumsamaǵan nesie alýshylarǵa kemshilikterdi joiý úshin qosymsha 1 ai merzim berildi. Belgilengen merzimde kemshilikterdi joimaǵan 6 nesie alýshynyń is-áreketi nesie komitetinde qaralyp, tiisti is-sharalar júrgizilýde.
Biyl 62 aýyldyq okrýg jobaǵa qatysyp, 62 koperativ qurylady. Nátijesinde 2640 joba júzege asyrylyp, 4416 jańa jumys orny ashylady dep kútilýde.
