Túrkistan oblysynyń Energetika jáne turǵyn úi-kommýnaldyq sharýashylyq basqarmasy Tóle bi aýdanyndaǵy Baldyberek aýylynda salynyp jatqan shaǵyn sý elektr stantsiiasy tóńireginde týyndaǵan daýǵa qatysty túsinikteme berdi. Bul týraly vedomstvo Dalanews.kz redaktsiiasynyń resmi saýalyna joldaǵan jaýabynda málimdedi.
Basqarmanyń túsindirýinshe, joba toqtatylmaidy. Qazirgi daý elektr stantsiiasynyń qubyryn ózge kompaniiaǵa tiesili jer telimi arqyly ótkizý tártibine bailanysty týyndaǵan. Máseleniń zańdylyǵyn sot anyqtaidy.
Vedomstvonyń habarlaýynsha, Qazaqstan Respýblikasy Energetika ministrliginiń 2020 jylǵy aýktsion qorytyndysy boiynsha Tóle bi aýdanynda jalpy qýaty 4 MVt bolatyn eki shaǵyn sý elektr stantsiiasyn salý jobasynyń operatory retinde «Taýenergo» JShS anyqtalǵan. Alaida aýktsiondyq baǵanyń tómen bolýy men qarjylandyrý máselelerine bailanysty joba keiinge shegerilgen. Keiin júrgizilgen kelissózderdiń nátijesinde kompaniia 2025 jylǵy 23 maýsymdaǵy aýktsion qorytyndysy boiynsha jalpy qýaty 3,2 MVt bolatyn shaǵyn sý elektr stantsiiasyn iske asyrý quqyǵyna ie bolǵan. Qazirgi ýaqytta nysanda qurylys-montaj jumystary júrgizilip jatyr jáne ony 2026 jyldyń sońyna deiin paidalanýǵa berý josparlanǵan. CL26071405190243.pdf
Basqarmanyń málimetinshe, 14 shildede áleýmettik jelilerde investorǵa qurylys jumystaryn júrgizý kezinde kedergi keltirilgeni týraly beinematerial jariialanǵan. Osyǵan bailanysty oqiǵa ornyna Tóle bi aýdandyq politsiia bóliminiń, prokýratýranyń jáne aýdan ákimdiginiń qyzmetkerleri baryp, taraptarǵa qoldanystaǵy zań talaptaryn túsindirip, quqyq buzýshylyqtyń aldyn alý boiynsha profilaktikalyq jumystar júrgizgen. CL26071405190243.pdf
Sonymen qatar 10 shildede Tóle bi aýdanynyń ákimi men aýdan prokýrory "Taýenergo" JShS jáne "Baldyberek-Agro" JShS basshylaryn qabyldap, qoldanystaǵy zańnamany saqtaý jáne týyndaǵan daýlardy quqyqtyq tártippen sheshý máselesin talqylaǵan.
Basqarmanyń málimetinshe, qazirgi ýaqytta taraptar arasyndaǵy jariia servitýtqa qatysty daý Shymkent qalasy men Túrkistan oblysynyń mamandandyrylǵan aýdanaralyq ekonomikalyq sottarynyń óndirisinde qaralyp jatyr. Sondai-aq Tóle bi aýdany ákimdigi jariia servitýt talaptarynyń oryndalmaýyna bailanysty «Baldyberek-Agro» JShS-ne qatysty sotqa talap qoiý jumystaryn júrgizýde.
Budan bólek, "Taýenergo" JShS ókili Túrkistan oblysynyń ákimi Nuralhan Kósherovtiń jeke qabyldaýynda bolyp, investitsiialyq jobany iske asyrý máselelerin talqylaǵan.
"Qazirgi ýaqytta týyndaǵan másele investitsiialyq jobany iske asyrýdan bas tartýǵa emes, jariia servitýtty qoldaný tártibine bailanysty azamattyq-quqyqtyq sipattaǵy daý bolyp tabylady. Daýdyń túpkilikti quqyqtyq baǵasyn sot organdary beredi", - delingen basqarma jaýabynda.
Sondai-aq basqarma atalǵan shaǵyn sý elektr stantsiiasy Túrkistan oblysy úshin mańyzdy investitsiialyq joba ekenin atap ótti.
"Jobany iske asyrý Túrkistan oblysy úshin mańyzdy investitsiialyq joba bolyp tabylady jáne basqarma óz quzyreti sheginde onyń belgilengen merzimde aiaqtalýyna múddeli", - dep málimdedi vedomstvo.
Eske salaiyq, buǵan deiin qoǵam belsendisi Aidos Igilikov áleýmettik jelide Baldyberek aýylyndaǵy shaǵyn gidroelektrostantsiia qurylysyna qatysty beinejazba jariialaǵan edi. Onda investor joba aiaqtalýǵa jaqyndaǵan saiyn túrli kedergilerge tap bolǵanyn, sonyń ishinde gidroqubyr ótetin aýmaqqa bailanysty daý týyndaǵanyn málimdegen.
