El Prezidenti «Halyq únine qulaq asatyn memleket» qaǵidasyn júzege asyrýdy, halyqpen tyǵyz qarym-qatynas ornatýǵa kedergi keltiretin birqatar kemshilikterdi joiýdy tapsyrǵan bolatyn. Osy rette Túrkistan oblysynyń 109 biryńǵai bailanys bólimi táýlik boiy turǵyndardan túsetin ótinishterdi qabyldaýda, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Jyl basynan beri 113 826 qońyraý kelip tússe, onyń 81 916-na der kezinde jaýap berilgen. Sonyń ishinde 31 837 aryz-shaǵym qabyldanǵan. Búginde 230 ótinim jumys barysynda tur. Ortalyq «Aikey» aqparattyq júiesinde 5 baǵyt boiynsha jumys isteidi.
Aita keteiik, operatorlar ortasha eseppen kúnine 150-200 qońyraýǵa deiin qabyldaidy. Ótinishterdiń basym kópshiligi turǵyn-úi kommýnaldyq sharýashylyǵy, jolaýshylar kóligi jáne avtokólik joldary bólimi boiynsha, onyń ishinde jaryq, aýyz sý, gaz, jol máselelerine bailanysty túsedi. Sondai-aq referendým jáne sailaý boiynsha aqparat berilgen.
Bailanys ortalyq ótinishti jan-jaqty qabyldaidy. Atap aitqanda, 109 qysqa nómiri, «Aikey» mobildi qosymshasy, turkestanobl.109@gmail.com elektrondy poshtasy, WhatsApp jelisi, telegramda arnaiy chat boty, sondai-aq Facebook jáne Instagram áleýmettik jelileri arqyly kelip túsken ótinimder qaralyp, jaýaptary aryz iesine joldanady.
Aita keteiik, turǵyndardy aqparattandyrý maqsatynda oblys aýmaǵyndaǵy bilbordtarǵa 200-ge jýyq banner ornatyldy.
