Mazmundy jiynda oblys ákiminiń orynbasary qalamgerdi mereitoiymen quttyqtai otyryp, óńirde atqarylyp jatqan sharalarǵa toqtalyp, bes jyldyq beleste aýqymdy ister qolǵa alynǵanyna toqtaldy.
Sonymen qatar jyl sońyna deiin oblys aýmaǵynda qalamgerlermen 20 ádebi kezdesý ótkizý josparlanǵanyn, sonyń alǵashqysy osy sapar ekenin atap ótti. Atalǵan keshter oblystyń aýdan, qalalarynda ótedi. Osy arqyly Túrkistan óńiriniń rýhani áleýetin kóterip, Túrkistan qalasyn tarihi elorda retinde damytý kózdelgen.
Qasymhan Begmanov oblys basshylyǵynyń osyndai qurmetpen qarsy alyp jatqanyna alǵysyn jetkizip, óziniń án jinaǵy men úsh birdei kitabyn tartý etti. Ózge de qalamgerler kieli meken Túrkistannyń jańa keiipke enip, gúldengenin tilge tiek etti.
Túrkistan oblysy ákimdiginiń qoldaýymen, oblystyq mádeniet jáne týrizm basqarmasynyń uiymdastyrýymen ótip jatqan qalamgerlerdiń óńirdegi sapary Túrkistandaǵy «Farab» kitaphanasynda Qasymhan Begmanovtyń «Jyrym sensiń, týǵan jer» atty shyǵarmashylyq keshimen jalǵasty. Aqynnyń sózine jazylǵan ánder shyrqalyp, teatr ártisteri óleńderin oqydy. Oblys ákiminiń atynan qurmet kórsetildi. Erteń aqynnyń týǵan aýyly Saýran aýdany men Kentaý qalasynda keshi ótedi.
