Búgin Túrkistan oblysy ákiminiń orynbasary Beısen Tájibaev bir top qalamgermen kezdesý ótkizdi. Kezdesýge Qazaqstan Jazýshylar odaǵy basqarma tóraǵasynyń orynbasary Qasymhan Begmanov, Qazaqstan jazýshylar odaǵynyń múshesi, synshy Ármıabek Aıt, Fılologıa ǵylymdarynyń doktory, profesor Qanseıit Ábdezuly, aqyn, halyqaralyq «Túrkistan» gazetiniń bas redaktory Baýyrjan Babajanuly, Qazaqstan Jazýshylar odaǵy Túrkistan oblystyq fılıalynyń tóraǵasy Aıdar Seıdazym, «Turkistan Media Holding» JSHS-nyń basqarýshy dırektory, jýrnalıs Telman Beısen jáne oblystyq mádenıet jáne týrızm basqarmasynyń ókilderi qatysty, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Mazmundy jıynda oblys ákiminiń orynbasary qalamgerdi mereıtoıymen quttyqtaı otyryp, óńirde atqarylyp jatqan sharalarǵa toqtalyp, bes jyldyq beleste aýqymdy ister qolǵa alynǵanyna toqtaldy.

Sonymen qatar jyl sońyna deıin oblys aýmaǵynda qalamgerlermen 20 ádebı kezdesý ótkizý josparlanǵanyn, sonyń alǵashqysy osy sapar ekenin atap ótti. Atalǵan keshter oblystyń aýdan, qalalarynda ótedi. Osy arqyly Túrkistan óńiriniń rýhanı áleýetin kóterip, Túrkistan qalasyn tarıhı elorda retinde damytý kózdelgen.

Qasymhan Begmanov oblys basshylyǵynyń osyndaı qurmetpen qarsy alyp jatqanyna alǵysyn jetkizip, óziniń án jınaǵy men úsh birdeı kitabyn tartý etti. Ózge de qalamgerler kıeli meken Túrkistannyń jańa keıipke enip, gúldengenin tilge tıek etti.

Túrkistan oblysy ákimdiginiń qoldaýymen, oblystyq mádenıet jáne týrızm basqarmasynyń uıymdastyrýymen ótip jatqan qalamgerlerdiń óńirdegi sapary Túrkistandaǵy «Farab» kitaphanasynda Qasymhan Begmanovtyń «Jyrym sensiń, týǵan jer» atty shyǵarmashylyq keshimen jalǵasty. Aqynnyń sózine jazylǵan ánder shyrqalyp, teatr ártisteri óleńderin oqydy. Oblys ákiminiń atynan qurmet kórsetildi. Erteń aqynnyń týǵan aýyly Saýran aýdany men Kentaý qalasynda keshi ótedi.